ଖୋର୍ଦ୍ଧା: ଗ୍ରାମାଞ୍ଚଳରେ ବଢି ଚାଲିଛି ଗଞ୍ଜେଇ କାରାବାର । ଏଥରେ ରୋକ ଲଗାଇବା ପାଇଁ ଖୋର୍ଦ୍ଧା ଅବକାରୀ ବିଭାଗର ଏକ ଟିମ ଆଜି ଖୋର୍ଦ୍ଧା ଜିଲ୍ଲା ବୋଲଗଡ ଥାନା ଅନ୍ତର୍ଗତ ଅସରଳା ଗ୍ରାମରେ ଚଢ଼ାଉ କରିଛି । ଏକ କାରରୁ ବିପୁଳ ପରିମାଣର ଗଞ୍ଜେଇ ଜବତ କରିବା ସହ ଏଥିରେ ସମ୍ପୃକ୍ତ ଜଣଙ୍କୁ ଗିରଫ କରିଛି ପୋଲିସ ।
ଅବକାରୀ ଚଢାଉ: ୭୫କିଗ୍ରା ଗଞ୍ଜେଇ ଜବତ ସହ ଜଣେ ଗିରଫ
ସୂଚନାଯୋଗ୍ୟ ଅସରଳାରୁ ବିଭିନ୍ନ ଜିଲ୍ଲାକୁ ଗଞ୍ଜେଇ ଚୋରା ଚାଲାଣ ହେଉଥିବା ପୂର୍ବରୁ ଅବକାରୀ ବିଭାଗକୁ ଖବର ମିଳିଥିଲା । ତେବେ ଆଜି ଅସରଳା ଗ୍ରାମରେ ଚଢ଼ାଉ କରି ୭୫କିଗ୍ରା ଗଞ୍ଜେଇ ସମେତ ନଗଦ ୨ଲକ୍ଷ ୬ହଜାର ଟଙ୍କା ଓ ଏକ କାର ଜବତ କରାଯାଇଛି ବୋଲି ଅବକାରୀ ବିଭାଗ ପକ୍ଷରୁ ସୂଚନା ମିଳିଛି ।
ଖୋର୍ଦ୍ଧାରୁ ଗୋବିନ୍ଦ ଚନ୍ଦ୍ର ପଣ୍ଡା, ଇଟିଭି ଭାରତ
