ଖୋର୍ଦ୍ଧା: ଆଲୋକର ପର୍ବ ଦୀପାବଳିକୁ ନଜରରେ ରଖି ଆକ୍ସନ ମୁଡରେ ରାଜ୍ୟ ପୋଲିସ । ଏହି କ୍ରମରେ ଜଟଣୀ ପୋଲିସ ସ୍ଥାନୀୟ ଗୋଲେଇ ମାର୍କେଟରେ ଥିବା ଦୁଇଟି ବେଆଇନ ବାଣ ଦୋକାନ ଏବଂ ରାମଚନ୍ଦ୍ରପୁର ବଜାର ଅଞ୍ଚଳରେ ଥିବା ବେଆଇନ ବାଣ ଗୋଦାମ ଉପରେ ଚଢ଼ାଉ କରିଛି ।
ଭିଡିଓ ସୌଜନ୍ୟ- ପ୍ରତିନିଧି, ଖୋର୍ଦ୍ଧା
ଏହି ଚଢାଉ ସମୟରେ ସେଠାରୁ ବିପୁଳ ପରିମାଣରେ ବାଣ ଜବତ ହୋଇଛି । ଏଥିରେ ସମ୍ପୃକ୍ତ ତିନି ଜଣଙ୍କୁ ଗିରଫ କରିଛି ପୋଲିସ । ଗିରଫ ବ୍ୟକ୍ତିମାନେ ହେଲେ ଜଟଣୀ ଥାନା ଅଞ୍ଚଳର ବୈଷ୍ଣବ ଚରଣ ଦାସ, ଶ୍ୟାମସୁନ୍ଦର ସାହୁ ଏବଂ ଜିତେନ୍ଦ୍ର ସାହୁ ।
ଆଗାମୀ ଦିନରେ ବେଆଇନ ବାଣ ଗୋଦାମ ଏବଂ ଦୋକାନ ଉପରେ ଚଢ଼ାଉ ଜାରି ରହିବ ବୋଲି ଜଟଣୀ ପୋଲିସ କହିଛି।
ଖୋର୍ଦ୍ଧାରୁ ଗୋବିନ୍ଦ ଚନ୍ଦ୍ର ପଣ୍ଡା, ଇଟିଭି ଭାରତ
