ଖୋର୍ଦ୍ଧା: ନବବଧୂର ଝୁଲନ୍ତା ମୃତଦେହ ଉଦ୍ଧାର । ଏହି ଅଭାବନୀୟ ଘଟଣା ଘଟିଛି ଖୋର୍ଦ୍ଧା ଜଟଣୀ ଥାନା ଦେଉଳବସ୍ତ ଗ୍ରାମରେ । ମୃତକ ଜଣକ ଦେଉଳବସ୍ତ ଗ୍ରାମର ପର୍ଶୁରାମ ଗୁରୁଙ୍କ ପତ୍ନୀ ରିତା ମହାପାତ୍ର ବୋଲି ଜଣାପଡିଛି ।
ଭିଡିଓ ସୌଜନ୍ୟ: ପ୍ରତିନିଧି, ଖୋର୍ଦ୍ଧା
ରିତାଙ୍କ ପରିବାର ଲୋକ ଜଟଣୀ ଥାନାରେ ଯୌତୁକ ଜନିତ ହତ୍ୟା ଅଭିଯୋଗ ଆଣିଛନ୍ତି । ଦୁଇମାସ ପୂର୍ବରୁ ମୃତକ ରିତା ବୈଦିକ ରୀତିରେ ପର୍ଶୁରାମଙ୍କୁ ବିବାହ କରିଥିଲେ । ରିତାର ଶାଶୁ ଘର ଲୋକ ବାରମ୍ବାର ଯୌତୁକ ଦାବି କରୁଥିବା ବାପଘର ଲୋକ ଅଭିଯୋଗ କରିଛନ୍ତି । ଅପରପକ୍ଷରେ ପୋଲିସ ସାଇଣ୍ଟିଫିକ ଟିମ ସହାୟତରେ ଅଧିକ ତଦନ୍ତ ଜାରି ରଖିଛି ।
ଖୋର୍ଦ୍ଧାରୁ ଗୋବିନ୍ଦ ଚନ୍ଦ୍ର ପଣ୍ଡା, ଇଟିଭି ଭାରତ
