ଖୋର୍ଦ୍ଧା: ଚାଷୀଙ୍କ ଦାବି ପୂରଣ ନହେଲେ ପୁଣି ରାଜରାସ୍ତାକୁ ଓହ୍ଲାଇବୁ ବୋଲି କହିଛି ନର୍ବ ନିର୍ମାଣ କୃଷକ ସଂଗଠନ । ତେବେ ଖୋର୍ଦ୍ଧ ଜିଲ୍ଲାରେ ଚାଷୀଙ୍କୁ ମିଳିଥିବା ଲାପସ ଟୋକନକୁ ପୁନଃ ପ୍ରଦାନ ନେଇ ଦାବି କରିଛି ନବ ନିର୍ମାଣ କୃଷକ ସଂଗଠନ । ଏଥିସହ ଗତ ମାସ ୧୭ ତାରିଖରେ ୩ ଦିନ ଧରି ଖୋର୍ଦ୍ଧା ଜିଲାପାଳଙ୍କ କାର୍ଯ୍ୟାଳୟ ଆଗରେ ଧାରଣା ଦେଇଥିଲେ ଚାଷୀ ।
ନବନିର୍ମାଣ କୃଷକ ସଂଗଠନର ଚେତାବନୀ, ୭ ଦିନରେ ଚାଷୀଙ୍କ ସମସ୍ୟା ସମାଧାନ କର
ସେହିପରି ଚାଷୀଙ୍କ ସମସ୍ୟା ସମାଧାନ ପାଇଁ ଖୋର୍ଦ୍ଧା ଜିଲ୍ଲାପାଳ ପ୍ରତିଶୃତି ଦେବା ସହ ୧୦ ଦିନ ମଧ୍ୟରେ ସମାଧାନ ହେବା ନେଇ କହିଥିଲେ । ମାତ୍ର ୧୦ରୁ ଅଧିକ ଦିନ ବିତିଯାଇଥିଲେ ବି କୌଣସି ସମସ୍ୟାର ସମାଧାନ କରାଯାଇ ନାହିଁ । ଫଳରେ ଆଜି ପୁନର୍ବାର ନବନିର୍ମାଣ କୃଷକ ସଙ୍ଗଠନର ଏକ ପ୍ରତିନିଧି ଦଳ ଜିଲ୍ଲାପାଳଙ୍କୁ ଭେଟି ଏହାର ସମାଧାନ ଦାବି କରିଛନ୍ତି ।
ଅନ୍ୟପଟେ ୭ଦିନ ମଧ୍ୟରେ ଏହାର ସମାଧାନ କରା ନ ଗଲେ ନବନିର୍ମାଣ କୃଷକ ସଙ୍ଗଠନ ପକ୍ଷରୁ ପୁଣି ଥରେ ଆନ୍ଦୋଳନକୁ ଓଲ୍ହାଇବ ବୋଲି ଚେତାବନୀ ଦେଇଛି ।
ଖୋର୍ଦ୍ଧାରୁ ଗୋବିନ୍ଦ ଚନ୍ଦ୍ର ପଣ୍ଡା, ଇଟିଭି ଭାରତ
