ଜଟଣୀରୁ ମୋବାଇଲ ଲୁଟେରା ଗିରଫ, 20 ମୋବାଇଲ ଫୋନ ସହ ସ୍କୁଟି ଜବତ

ଦୀର୍ଘ ଦିନ ଧରି ଲୁଟ କରିଚାଲିଥିବା ଜଣେ ମୋବାଇଲ ଲୁଟେରାକୁ ଧରିବାରେ ସଫଳ ହୋଇଛି ଜଟଣୀ ପୋଲିସ । ଅଧିକ ପଢନ୍ତୁ...

ଖୋର୍ଦ୍ଧା:ମାତିଛନ୍ତି ମୋବାଇଲ ଲୁଟେରା । ଦିନ ହେଉ ଅବା ରାତି ବେଧଡକ ଜାରି ରଖିଛନ୍ତି ଲୁଟ । ପୋଲିସକୁ ନାହିଁ ତିଳେ ମାତ୍ର ଭୟ । ତେବେ ଜିଲ୍ଲାର ଜଟଣୀ ଅଞ୍ଚଳରେ ଅନେକ ସମୟରେ ମୋବାଇଲ ଲୁଟ ହେଉଥିବା ଅଭିଯୋଗ ହେଉଛି।

ଯାହାକୁ ନେଇ ଜଟଣୀ ପୋଲିସ ପକ୍ଷରୁ ସ୍ପେଶାଲ ଡ୍ରାଇଭ କରାଯାଇ ଶୁକ୍ରବାର ଜଣେ ମୋବାଇଲ ଲୁଟେରାକୁ ଗିରଫ କରାଯାଇଛି। ଲୁଟେରା ଠାରୁ 20ଟି ସ୍ମାର୍ଟ ଫୋନ ଓ ଗୋଟିଏ ସ୍କୁଟି ଜବତ କରିଛି ପୋଲିସ। ଏହି ଲୁଟେରାର ଘର ଗଞ୍ଜାମ ଅଞ୍ଚଳରେ ହୋଇଥିବା ବେଳେ, ସେ ଭୁବନେଶ୍ବର ସ୍ଥିତ ଚକେଇସିହାଣୀ ଅଞ୍ଚଳରେ ରହୁଥିବା ପୋଲିସ ଦର୍ଶାଇଛି ।

ଖୋର୍ଦ୍ଧାରୁ ଗୋବିନ୍ଦ ଚନ୍ଦ୍ର ପଣ୍ଡା, ଇଟିଭି ଭାରତ