ଖୋର୍ଦ୍ଧା: ନିଖୋଜ ନାବାଳକର ମୃତଦେହ ଉଦ୍ଧାର । ଗତ ୩ ଦିନ ତଳେ ନିଖୋଜ ହୋଇଥିବା ନାବାଳକର ମୃତଦେହ ସନ୍ଦେହ ଜନକ ଭାବେ ଜଙ୍ଗଲରୁ ଉଦ୍ଧାର କରାଯାଇଛି । ନାବାଳକର ମୃତଦେହ ପଟିଆ ଫୁଲଚଣ୍ଡୀ ଉଚ୍ଚବିଦ୍ୟାଳୟ ନିକଟସ୍ଥ ଏକ ଜଙ୍ଗଲରେ ଠାବ କରାଯାଇଛି । ମୃତ ନାବାଳକ ରାମଚନ୍ଦ୍ରପୁର ପଞ୍ଚାୟତ ଗୋଡ଼ିସାହିର 13 ବର୍ଷୀୟ ଖୋକନ ଭୋଳ ବୋଲି ଜଣାପଡିଛି । ସେ ପଟିଆ ଉଚ୍ଚ ବିଦ୍ୟାଳୟର ନବମ ଶ୍ରେଣୀରେ ପଢ଼ୁଥିଲା । ମୃତ୍ୟୁର କାରଣ ଅସ୍ପଷ୍ଟ ଥିବାବେଳେ ପୋଲିସ ମୃତଦେହକୁ ଜବତ କରି ତଦନ୍ତ ଆରମ୍ଭ କରିଛି ।
ସୂଚନାଯୋଗ୍ୟ ଖୋକନ ଗତ 2 ତାରିଖ ଦିନ ସାଇକେଲ ମରାମତି କରିବା ପାଇଁ ବାପାଙ୍କଠାରୁ ଟଙ୍କା ନେଇଥିଲା । ସାଇକେଲ ମରାମତି ନକରି ସେହି ଟଙ୍କା ଖର୍ଚ୍ଚ କରିଦେଇଥିବାରୁ ବାପା ତାକୁ ଗାଳି ଦେଇଥିଲେ । ଏଥିରେ ସେ ଅସହ୍ୟ ହୋଇଥିବା କେଉଁଆଡେ ଚାଲିଯାଇଥିଲେ । ସେ ଆଉ ଘରକୁ ଫେରିନଥିଲେ । ଏହା ପରେ ତାଙ୍କ ବାପା ଟାଙ୍ଗୀ ଥାନାରେ ଅଭିଯୋଗ କରିଥିଲେ । ଏହା ପରେ ବିଦ୍ୟାଳୟ ପାଖରେ କୌଣସି ପଚାଗନ୍ଧ ହେଉଥିବା ନେଇ ପିଲାମାନେ ଶିକ୍ଷକଙ୍କୁ ଜଣାଇଥିଲେ । ଶିକ୍ଷକମାନେ ଗ୍ରାମବାସୀଙ୍କୁ ଜଣାଇବା ପରେ ସ୍ଥାନୀୟ ପୋଲିସକୁ ଖବର ଦିଆଯାଇଥିଲା । ପୋଲିସ ଘଟଣାସ୍ଥଳରେ ପହଞ୍ଚି ନାବାଳକର ମୃତଦେହକୁ ଚିହ୍ନଟ କରିଥିଲା ।
ଏହା ମଧ୍ୟ ପଢନ୍ତୁ...Junagarh Triple murder case: ଅଣ୍ଟି ଛୁରୀ ତଣ୍ଟି କାଟିଲା, ପୁତୁରା ହିଁ ହତ୍ୟାକାରୀ
