ଖୋର୍ଦ୍ଧା: ସମ୍ପର୍କରେ ଲାଗିଲା କଳଙ୍କ । ଖୋର୍ଦ୍ଧା ଆଦର୍ଶ ଥାନା ଅଞ୍ଚଳରେ ନାବାଳିକାକୁ ଦୁଷ୍କର୍ମ ଅଭିଯୋଗ । ସମ୍ପର୍କୀୟ ଦାଦା ନାବାଳିକା ଜଣଙ୍କୁ ଦୁଷ୍କର୍ମ କରିଥିବା ଜଣାପଡିଛି ।
ନାବାଳିକା ଝିଆରୀ ସହ ସମ୍ପର୍କୀୟ ଦାଦାର ଦୁଷ୍କର୍ମ ଅଭିଯୋଗ
ସୂଚନା ଅନୁଯାୟୀ ଆଦର୍ଶ ଥାନା ଅନ୍ତର୍ଗତ କୁମାରବସ୍ତ ଗାଁର ଜଣେ ନାବାଳିକା ତାଙ୍କ ସମ୍ପର୍କୀୟ ଦାଦାଙ୍କ ଘରକୁ ମଧ୍ୟାହ୍ନରେ ଟିଭି ଦେଖିବାକୁ ଯାଇଥଲେ । ଏହି ସମୟରେ ଘରେ ସମସ୍ତେ ଶୋଇଥିବାର ସୁଯୋଗ ନେଇ ସମ୍ପର୍କୀୟ ଦାଦା ଜଣକ ନାବାଳିକାକୁ ଦୁଷ୍କର୍ମ କରିବା ସହ ତଣ୍ଟି ଚିପି ମାରିଦେବାକୁ ଉଦ୍ୟମ କରିଥିଲେ ।
ଏହି ସମୟରେ ପରିବାର ଲୋକେ ଏହା ଦେଖି ତୁରନ୍ତ ନାବାଳିକାକୁ ଉଦ୍ଧାର କରି ଗୁରୁତର ଅବସ୍ଥାରେ ପ୍ରଥମେ ଖୋର୍ଦ୍ଧା ମୁଖ୍ୟ ଚିକିତ୍ସାଳୟରେ ଭର୍ତ୍ତି କରିଥିଲେ । ହେଲେ ପରେ ନାବାଳିକାର ଅବସ୍ଥା ଗୁରୁତର ହେବାରୁ ତାଙ୍କୁ ଭୁବନେଶ୍ବର ସ୍ଥାନାନ୍ତର କରାଯାଇଛି । ଅଭିଯୋଗ ପାଇ ଖୋର୍ଦ୍ଧା ଆଦର୍ଶ ଥାନା ପୋଲିସ ତଦନ୍ତ କରୁଥିବା ବେଳେ ଅଭିଯୁକ୍ତ ଦାଦା ଫେରାର ଥିବା ଜଣାପଡିଛି ।
ଖୋର୍ଦ୍ଧାରୁ ଗୋବିନ୍ଦ ଚନ୍ଦ୍ର ପଣ୍ଡା, ଇଟିଭି ଭାରତ
