ଖୋର୍ଦ୍ଧା: ରାଜ୍ୟରେ ବଢିଚାଲିଛି ନାବାଳିକା ଅପହରଣ ଓ ନିଖୋଜ ମାମଲା । ଗତ କିଛି ଦିନ ଭିତରେ ନାବାଳିକା ନିଖୋଜ ଓ ହତ୍ୟା ଘଟଣା କ୍ରମାଗତ ଭାବେ ବଢ଼ିଚାଲିଛି । ଖୋର୍ଦ୍ଧା ଜିଲ୍ଲା ବୋଲଗଡ ଅଞ୍ଚଳରେ ନାବାଳିକା ନିଖୋଜ ନେଇ ପୁଣି ଏକ ଘଟଣା ସାମ୍ନାକୁ ଆସିଛି । ଦୁଇମାସ ଧରି ଜଣେ ନାବାଳିକା କଲେଜ ଯାଇ ଫେରିନଥିବା ବେଳେ ବାପା ମାଆ ବାରମ୍ବାର ଅଭିଯୋଗ କରି ଏବେ ଥାନା ଆଗରେ ଧାରଣା ଦେବାକୁ ବାଧ୍ୟ ହୋଇଛନ୍ତି ।
ଏହା ମଧ୍ୟ ପଢ଼ନ୍ତୁ: Chit fund Case: CBIକୁ ଅଙ୍ଗୁଳି ଉଠାଇଲା BJD, BJP କହିଲା କୁଆଡେ ଗଲା କର୍ପସ୍ ଫଣ୍ଡ
ଏପରି ଘଟଣା ଦେଖିବାକୁ ମିଳିଛି ଖୋର୍ଦ୍ଧା ଜିଲ୍ଲା ବୋଲଗଡ ଥାନା ଅନ୍ତର୍ଗତ ବାଙ୍କୋଇ ଗ୍ରାମରେ । ଜନୈକ ନାବାଳିକା ଗତ ନଭେମ୍ବର ମାସ ୨ ତାରିଖରେ ବିନୋଦପଡା ସ୍ଥିତ କଲେଜକୁ ପାଠ ପଢିବାକୁ ଯାଇ ଆଉ ଘରକୁ ଫେରିନଥିଲେ । ଘର ଲୋକେ ବିଭିନ୍ନ ସମ୍ପର୍କୀୟ ଘର ଖୋଜା ଖୋଜି କରି ନିରାଶ ହେବା ପରେ ୩ ତାରିଖ ଦିନ ବାଙ୍କୋଇ ଫାଣ୍ଡି ସହ ବୋଲଗଡ ଥାନାରେ ଲିଖିତ ଅଭିଯୋଗ କରିଥିଲେ । ଏନେଇ ବୋଲଗଡ ଥାନାରେ ଏକ ମାମଲା ରୁଜୁ ହୋଇଥିଲା । କିନ୍ତୁ ଅଭିଯୋଗକୁ ଦୀର୍ଘ ଦୁଇ ମାସ ବିତି ଯାଇଥିଲେ ବି ନାବାଳିକାଙ୍କ କୌଣସି ପତ୍ତା ଏ ପର୍ଯ୍ୟନ୍ତ ପୋଲିସ ହାତରେ ଲାଗିପାରିଲା ନାହିଁ ।
ଏହା ମଧ୍ୟ ପଢ଼ନ୍ତୁ: Russian Suspicious Death: ମୃତ୍ୟୁକୁ ନେଇ ବଢିଲା ସସପେନ୍ସ, ଭୁବନେଶ୍ୱରରେ ଠାବ ହେଲେ ଆଉ ୨ ବିଦେଶୀ
ତେବେ ବାପା ମାଆ ଝିଅର ଫେରିବା ବାଟକୁ ଚାହିଁ ବସିଥିବା ବେଳେ ପୋଲିସର ନିଷ୍କ୍ରିୟତା ତାଙ୍କୁ ଚିନ୍ତାରେ ପକାଇଛି । ଏଥିପାଇଁ ବାରମ୍ବାର ଏସପିଙ୍କ ଠାରୁ ମହିଳା କମିଶନ, ଶିଶୁ ସୁରକ୍ଷା ଅଧିକାରଙ୍କ ଠାରେ ଦ୍ବାରସ୍ଥ ହୋଇଥିଲେ ବି ନିରାଶ ହୋଇଛନ୍ତି ବାପା ମାଆ । ପରିଶେଷରେ ବୋଲଗଡ ଥାନାରେ ଧାରଣା ଦେବାକୁ ବାଧ୍ଯ ହୋଇଛନ୍ତି । ନିଜ ନାବାଳିକା ଝିଅକୁ ନ ପାଇଲେ ଜୀବନ ହାରିବାକୁ ଚେତାବନୀ ଦେଇଛନ୍ତି । ଘଟଣା ତଦନ୍ତ କରୁଥିବା ପୋଲିସ ଅଧିକାରୀ କ୍ୟାମେରା ଆଗରେ କିଛି କହିବାକୁ ରାଜି ହୋଇନଥିବା ବେଳେ ଘଟଣାର ତଦନ୍ତ ଚାଲିଛି କହି କଥାକୁ ଏଡାଇ ଯାଇଥିଲେ । ସେପଟେ ନାବାଳିକା ଝିଅର ବାପାଙ୍କ ଅଭିଯୋଗ ଅନୁଯାୟୀ, "ପୋଲିସ କୌଣସି ଅଦୃଶ୍ୟ ଚାପର ବଶବର୍ତ୍ତୀ ହୋଇ ଘଟଣାକୁ ହାଲୁକା ପରି ନେଉଛନ୍ତି । ତୁରନ୍ତ ଘଟଣାର ତଦନ୍ତ କରି ଝିଅକୁ ଖୋଜିବାକୁ ଦାବି କରାଯାଉଛି। "
ଇଟିଭି ଭାରତ, ଖୋର୍ଦ୍ଧା
