ଖୋର୍ଦ୍ଧା: ନାବାଳିକା ଅପହରଣ ମାମଲା, ହାଇଦ୍ରାବାଦରୁ ଦୁଇ ଗିରଫ । ବାଘମାରୀ ଥାନା ଅଟ୍ରି ପଞ୍ଚାୟତ ଶରଧାପୁର ଗ୍ରାମର ଜଣେ ନାବାଳିକାକୁ ଅପହରଣ ଘଟଣାରେ ପୁଲିସ ହାଇଦ୍ରାବାଦରୁ ଅପହରଣକାରୀ ଏବଂ ସହଯୋଗୀ ମାମଲାରେ ଦୁଇଜଣଙ୍କୁ ଗିରଫ କରିଛି ।
ସୂଚନାଥାଉକି ଶରଧାପୁର ଗ୍ରାମର ଜୈନିକା ନାବାଳିକାଙ୍କୁ ସେହି ଗ୍ରାମର ସରୋଜ ଗତ ଦୁଇ ତାରିଖରେ ଅପହରଣ କରିନେଇଥିବା ନାବାଳିକାଙ୍କ ପରିବାର ପକ୍ଷରୁ ବାଘମାରୀ ଥାନାରେ ଅଭିଯୋଗ ହୋଇଥିଲା । ପୋଲିସ କେସ ନଂ ୩୮/୨୧ରେ ଏକ ଅପହରଣ ମାମଲା ରୁଜୁ କରି ତଦନ୍ତ ଚଳାଇଥିଲା । ଅପହରଣକାରୀଙ୍କୁ ଧରିବା ପାଇଁ ଏକ ସ୍ବତନ୍ତ୍ର ଟିମ ଗଠନ କରି ସୁଦୂର ହାଇଦ୍ରାବାଦରୁ ନାବାଳିକାକୁ ଉଦ୍ଧାର କରିବା ସହ ଶରାଧାପୁରର ଅଭିଯୁକ୍ତ ସରୋଜ ଏବଂ କଟକ ଅଞ୍ଚଳର ତାଙ୍କ ସହଯୋଗୀ ଇଦରିସଙ୍କୁ ଗିରଫ କରି ବାଘମାରି ଥାନାକୁ ଆଣିଥିବା ଜଣାଯାଇଛି । ବୁଧବାର ନାବାଳିକାଙ୍କ ବୟାନ ରେକର୍ଡ କରାଯିବା ସହିତ ଅଭିଯୁକ୍ତଙ୍କୁ କୋର୍ଟ ଚାଲାଣ କରାଯିବ ବୋଲି ପୋଲିସ ସୂଚନା ଦେଇଛି ।
ଖୋର୍ଦ୍ଧାରୁ ଗୋବିନ୍ଦ ଚନ୍ଦ୍ର ପଣ୍ଡା, ଇଟିଭି ଭାରତ
