ଖୋର୍ଦ୍ଧା: ନିଶା ମାଫିଆଙ୍କ ଆଡା ସ୍ଥଳ ପାଲଟିଛି ଖୋର୍ଦ୍ଧା ସହର । ଆଉ ଧଳାଜହର କବଳରେ ପଡିଛନ୍ତି ଯୁବପିଢ଼ି । ଲକଡାଉନ ହେଉ କି ସଟଡାଉନ ଏହି ମାଫିଆଙ୍କ ଉପରେ ଏହାର କୌଣସି ପ୍ରଭାବ ପଡୁନି ।
ବାଲେଶ୍ୱରରୁ ବ୍ରାଉନସୁଗାର ଆଣି ଖୋର୍ଦ୍ଧା ସହର ଏବଂ ଏହାର ଆଖପାଖ ଅଞ୍ଚଳରେ ମାଫିଆ ମାନେ ଏହାର ଆଡା ଜମାଉଥିବା ଆଜି ବିଶ୍ବସ୍ତ ସୂତ୍ରରୁ ଖବର ପାଇ ଆଦର୍ଶ ଥାନା ପୋଲିସ ଖୋର୍ଦ୍ଧା ଜେମାଦେଇ ଅଞ୍ଚଳରେ ଥିବା ବରୁଣେଇ ହୋଟେଲ ପଛପଟେ ଚଢ଼ାଉ କରି 50.19 ଗ୍ରାମ ବ୍ରାଉନସୁଗାର ଜବତ କରିବା ସହ ଜଣଙ୍କୁ ଗିରଫ କରିଛି ।
ଗିରଫ ଅଭିଯୁକ୍ତ ଜଣକ ବୌଦ୍ଧ ଜିଲା ରାଜନପଲ୍ଲୀ ଅଞ୍ଚଳର ଆକାଶ ସେଠୀ ବୋଲି ପୋଲିସ ସୂଚନା ଦେଇଛି । ସେହିପରି ଜବତ ବ୍ରାଉନସୁଗାରର ବଜାର ମୂଲ୍ୟ ଦୁଇ ଲକ୍ଷ ଟଙ୍କା ହେବ ବୋଲି ପୋଲିସ ପକ୍ଷରୁ କୁହାଯାଇଛି ।
ଖୋର୍ଦ୍ଧାରୁ ଗୋବିନ୍ଦ ଚନ୍ଦ୍ର ପଣ୍ଡା, ଇଟିଭି ଭାରତ
