ଖୋର୍ଦ୍ଧା : ବଦଳିଲେ ଖୋର୍ଦ୍ଧା ଜିଲ୍ଲାପାଳ ସନତ କୁମାର ମହାନ୍ତି । ଖୋର୍ଦ୍ଧାର ନୂତନ ଜିଲ୍ଲାପାଳ ହେଲେ ସଂଗ୍ରାମ କେଶରୀ ମହାପାତ୍ର । ସେ ଜଗତସିଂହପୁର ଜିଲ୍ଲାର ଜିଲାପାଳ ଭାବେ କାର୍ଯ୍ୟରତ ଥିଲେ । ଓଡିଶା ସରକାରଙ୍କ ସାଧାରଣ ପ୍ରଶାସନ ବିଭାଗ ଏହି ଅଦଳବଦଳ ସମ୍ପର୍କରେ ସୂଚନା ଦେଇଛନ୍ତି ।
ପାରୁଲ ପଟ୍ଟୱାରୀ ହେଲେ ଜଗତସିଂହପୁରର ନୂଆ ଜିଲ୍ଲାପାଳ । ଗଙ୍ଗାଧର ସାହୁ ହେଲେ ସାଧାରଣ ଅଭିଯୋଗ ବିଭାଗର ନିର୍ଦେଶକ ।
ବରିଷ୍ଠ ପ୍ରଶାସନିକ ସ୍ତରରେ ଅଦଳବଦଳ କରିଛନ୍ତି ରାଜ୍ୟ ସରକାର । ଖୋର୍ଦ୍ଧା ଜିଲ୍ଲାପାଳ ହେଲେ ସଂଗ୍ରାମ କେଶରୀ ମହାପାତ୍ର । ଖୋର୍ଦ୍ଧା ଜିଲ୍ଲାପାଳ ଥିବା ସନତ କୁମାର ମହାନ୍ତି ଟିଇ ଆଣ୍ଡ ଏସସିଇଆରଟି ନିର୍ଦେଶକ ଭାବେ ବଦଳି କରାଯାଇଛି । ଏ ନେଇ ସାଧାରଣ ପ୍ରଶାସନ ବିଭାଗ ପକ୍ଷରୁ ବିଜ୍ଞପ୍ତି ପ୍ରକାଶ ପାଇଛି ।
ପ୍ରଶାସନିକ ସ୍ତରରେ ଆଜି ପୁଣି ଗୁରୁତ୍ୱପୂର୍ଣ୍ଣ ଅଦଳ ବଦଳ କରିଛନ୍ତି ରାଜ୍ୟ ସରକାର । 2010 ବ୍ୟାଚର ଆଇଏଏସ ଗଙ୍ଗାଧର ସାହୁଙ୍କୁ ପବ୍ଲିକ ଗ୍ରୀଭେନସର ନିର୍ଦ୍ଦେଶକ ଭାବେ ବଦଳି କରାଯାଇଛି । ଏହା ସହ ସେ ସାଧାରଣ ପ୍ରଶାସନ ବିଭାଗକୁ ଅତିରିକ୍ତ ଶାସନ ସଚିବ ଭାବେ ବଦଳି କରାଯାଇଛି । ପୂର୍ବରୁ ସେ ଟିଇ ଆଣ୍ଡ ଏସସିଇଆରଟି ନିର୍ଦେଶକ ଓ ଏମଡିଏମର ଷ୍ଟେଟ ନୋଡାଲ ଅଫିସର ଭାବେ ଅତିରିକ୍ତ ଦାଇତ୍ୱରେ ଥିଲେ ।
ବଦଳିଛନ୍ତି ଖୋର୍ଦ୍ଧା ଜିଲ୍ଲାପାଳ । ନୂଆ ନିଯୁକ୍ତି ପାଇଛନ୍ତି ସଂଗ୍ରାମ କେଶରୀ ମହାପାତ୍ର । ଜଗତସିଂହପୁର ଜିଲ୍ଲାପାଳ ଥିବା ସଂଗ୍ରାମ କେଶରୀଙ୍କ ବଦଳି ପରେ ତାଙ୍କ ସ୍ଥାନ ନେବେ 2015 ବ୍ୟାଚର ଆଇଏଏସ ପାରୁଲ ପଟ୍ଟୱାରୀ । ଖୋର୍ଦ୍ଧା ଜିଲ୍ଲାପାଳ ଥିବା ସନତ କୁମାର ମହାନ୍ତି ଟିଇ ଆଣ୍ଡ ଏସସିଇଆରଟି ନିର୍ଦେଶକ ଭାବେ ବଦଳି କରାଯାଇଛି । ଏହା ସହ ସେ ଏମଡିଏମର ଷ୍ଟେଟ ନୋଡାଲ ଅଫିସର ଭାବେ ଅତିରିକ୍ତ ଦାଇତ୍ୱରେ ରହିବେ ।
ଖୋର୍ଦ୍ଧାରୁ ଗୋବିନ୍ଦ ଚନ୍ଦ୍ର ପଣ୍ଡା, ଭୁବନେଶ୍ବରରୁ ଭବନୀଶଙ୍କର ଦାସ, ଇଟିଭି ଭାରତ
