ଖୋର୍ଦ୍ଧା: ମା’ଙ୍କ ଆଗମନରେ ପୁରଠୁ ପଲ୍ଲୀ ସବୁଠି ଉତ୍ସବର ମାହୋଲ । ମନ୍ଦିର ହେଉ ଅବା ମଣ୍ଡପ, ସବୁଠି ପୂଜା ପାଉଛନ୍ତି ମା ଦଶଭୁଜା । ଗତକାଲି ପୀଠ ମାନଙ୍କରେ ମା’ଙ୍କ ଦଶହରା ପୂଜା ପାଳିତ ହୋଇଥିବା ବେଳେ ଆଜି ଖୋର୍ଦ୍ଧା ସହରର ବିଭିନ୍ନ ମଣ୍ଡପ ମାନଙ୍କରେ ମୃମୟ ପ୍ରତିମାଙ୍କ ବିଜୟା ଦଶମୀ ପାଳିତ ହେଉଛି, ତାହା ପୁଣି ବିନା ଭକ୍ତଙ୍କ ଗହଣରେ । ଚଳିତ ବର୍ଷ କୋରୋନା କଟକଣା ପାଇଁ ହାତଗଣତି ଭକ୍ତଙ୍କ ଉପସ୍ଥିତିରେ ଅନୁଷ୍ଠିତ ହେଉଛି ମା’ଙ୍କ ପୂଜା । ଯେମିତି ପୂଜା ମଣ୍ଡପରେ ଗହଳି ନହେବ ସେଥିଲାଗି ମଣ୍ଡପ ଗୁଡିକୁ ଚାରିପଟୁ ଆବଦ୍ଧ କରାଯାଇଥିବା ଦେଖିବାକୁ ମିଳିଛି ।
ଚଳିତ ବର୍ଷ ବିନା ତୋରଣ ଓ ଲାଇଟରେ ପୂଜା ଯେମିତି ଖାଁ ଖାଁ ଲାଗୁଛି । ଚଳିତବର୍ଷ ଖୋର୍ଦ୍ଧା ସହରରେ ଉଚ୍ଚ ନ୍ୟାୟାଳୟଙ୍କ ନିର୍ଦ୍ଦେଶ ଅନୁଯାଇ ଚାରି ଫୁଟ ଉଚ୍ଚତାର ମୂର୍ତ୍ତି ନିର୍ମାଣ କରାଯାଇ ପୂଜା କରାଯାଇଛି । ସେହିପରି କେବଳ ବିଧି ରଖିବା ପାଇଁ ନିରାଡ଼ମ୍ବରରେ ମା’ଙ୍କ ପୂଜା କରାଯାଉଥିବା ଦେଖିବାକୁ ମିଳିଛି ।
ଖୋର୍ଦ୍ଧାରୁ ଗୋବିନ୍ଦ ଚନ୍ଦ୍ର ପଣ୍ଡା, ଇଟିଭି ଭାରତ
