ଖୋର୍ଦ୍ଧା: ସୋମବାରଠୁ ରାଜ୍ୟରେ ପଞ୍ଚମ ପର୍ଯ୍ୟାୟ ଲକଡାଉନ ଜାରି ହେବା ସହ ନୂଆ ଗାଇଡଲାଇନ ମଧ୍ୟ ଜାରି ହୋଇଛି । ଏହି କ୍ରମରେ ସୋମବାର ମା' ବରୁଣେଇଙ୍କ ପୀଠରେ ବିଶ୍ୱକର୍ମା ସଙ୍ଗଠନ ଆନୁକୂଲ୍ୟରେ ଏକ ନିଆରା ଆଦର୍ଶ ବିବାହ ଅନୁଷ୍ଠିତ ହୋଇଯାଇଛି । ଏଥିସହ କୋରୋନା ଯୋଦ୍ଧାଙ୍କୁ ସମ୍ବର୍ଦ୍ଧିତ କରାଯାଇଛି ।
ଲକଡାଉନ 5.0: ସାମାଜିକ ସଙ୍ଗଠନ ସହଯୋଗରେ ବିବାହ ସମ୍ପନ୍ନ
ସରକାରଙ୍କ ନୀତି ନିୟମ ଅନୁସାରେ ସାମାଜିକ ଦୂରତା ରକ୍ଷା କରି ମହାରଣା ସମ୍ପ୍ରଦାୟର ଏହି ବିବାହ ଉତ୍ସବ ନିରାଡ଼ମ୍ବର ଭାବେ ସମ୍ପନ୍ନ ହୋଇଛି । ଏଭଳି ଏକ ଶୁଭ କାର୍ଯ୍ୟକ୍ରମରେ ରାଜ୍ୟ ବିଶ୍ୱକର୍ମା ମହାସଂଘ ସହଯୋଗର ହାତ ବଢାଇଥିଲେ ।
ଖୋର୍ଦ୍ଧାରୁ ଗୋବିନ୍ଦ ଚନ୍ଦ୍ର ପଣ୍ଡା, ଇଟିଭି ଭାରତ
