ଖୋର୍ଦ୍ଧା: ବର୍ତ୍ତମାନ କୋଭିଡ ମହାମାରୀ ସମୟରେ ଆମ୍ବୁଲାନ୍ସର ଚାହିଦା ବଢିଛି । ଆମ୍ବୁଲାନ୍ସରେ ରୋଗୀ ଓ ଅକ୍ସିଜେନ ବୋହୁଛି ସାରା ଦେଶ । ଏହି ସମୟରେ ଆମ୍ବୁଲାନ୍ସକୁ କେହି ବି ରାସ୍ତାରେ ଅଟକାଇଲେ ତାହା ଅପରାଧ ଭାବେ ଗଣାଯାଉଛି । ଯାହାର ଫାଇଦା ଉଠାଇଛନ୍ତି ଚୋର ମଦ ବ୍ୟବସାୟୀ । ଆମ୍ବୁଲାନ୍ସ ଯୋଗେ ଦେଶୀ ମଦ ଚାଲାଣ କରାଯାଉଛି । ଖୋର୍ଦ୍ଧା ହଳଦିଆ ହାଟ ଛକ ନିକଟରୁ ଏହି ଘଟଣା ସାମ୍ନାକୁ ଆସିଛି । ଘଟଣାରେ ଜଣେ ଗିରଫ ହୋଇଛି ।
ଆମ୍ବୁଲାନ୍ସରେ ଦେଶୀ ମଦ ଚାଲାଣ, ଜଣେ ଗିରଫ
ଆମ୍ବୁଲାନ୍ସରେ ଦେଶୀ ମଦ ଚାଲାଣ ହେଉଥିବାବେଳେ କୌଣସି ସୂତ୍ରରୁ ଖବର ପାଇ ଖୋର୍ଦ୍ଧା ଥାନା ପୋଲିସ ହଳଦିଆ ହାଟଛକ ଠାରେ ଆମ୍ବୁଲାନ୍ସକୁ ଅଟକାଇଥିଲେ । ଯାଞ୍ଚ ବେଳେ ଜଣା ପଡିଲା ଆମ୍ବୁଲାନ୍ସ ଭିତରେ ପ୍ରାୟ ୧୫୦ ଲିଟର ଦେଶି ମଦ ଚାଲାଣ ହେଉଥିଲା। ପୋଲିସ ମଦ ବୋଝେଇ ଆମ୍ବୁଲାନ୍ସକୁ ଜବତ କରିବା ସହ ଡ୍ରାଇଭରକୁ ଗିରଫ କରିଛି । ତଦନ୍ତ ସମୟରେ ଜଣାପଡ଼ିଛି ଯେ ଆମ୍ବୁଲାନ୍ସଟି ଆଠଗଡ଼ ମେଡିକାଲରେ କାର୍ଯ୍ୟ କରୁଥିଲା ।
ଖୋର୍ଦ୍ଧାରୁ ଗୋବିନ୍ଦ ଚନ୍ଦ୍ର ପଣ୍ଡା, ଇଟିଭି ଭାରତ
