ଖୋର୍ଦ୍ଧା: ବେଗୁନିଆ ଅଞ୍ଚଳରେ ଆତଙ୍କ ଖେଳାଇଛି ମାନବବାଦ ସଙ୍ଗଠନ । ସଂଗଠନର କଥା ନ ମାନିଲେ ମିଳୁଛି ତାଲିବାନୀ ଦଣ୍ତ । କେବଳ ସେତିକି ନୁହେଁ ସଂଗଠନ ମୁଖ୍ୟ ମାନସ ଦାସଙ୍କ କଥାରେ ରାଜି ନହେଲେ ଗାଁରୁ ତଡା ବି ଖାଉଛନ୍ତି ଲୋକେ । ମାନସ ଦାସ ବିରୋଧରେ ଖୋଲିବାରେ ଲାଗିଛି ଗୋଟିଏ ପରେ ଗୋଟିଏ ଅପରାଧର ଫର୍ଦ୍ଦ ।
ଏବେ ସୋସିଆଲ ମିଡିଆରେ ଭାଇରାଲ ହେଉଛି ମାନବବାଦ ସଙ୍ଗଠନର ଏକ ଲିଫଲେଟ । ଏହି ଲିଫଲେଟରେ ଅନେକ ଗୁଡିଏ ବିବାଦୀୟ ଲେଖା ରହିଛି । ଯାହା ଏବେ ବିଭିନ୍ନ ମୋବାଇଲରୁ ମୋବାଇଲ ଘୁରି ବୁଲୁଛି । ନିଜକୁ ଦ୍ରାବିଡ଼ ବୋଲି ଉଲ୍ଲେଖ କରିବା ସହିତ ଆର୍ଯ୍ୟ ସେମାନଙ୍କର ଶତୃ ବୋଲି ସେଥିରେ ଲେଖା ଯାଇଛି । ଏହି ଲିଫଲେଟରେ ନିୟମ କାନୁନ ଜଣାଇବାକୁ ଆଦିବାସୀଙ୍କ ଭିତରେ ଏହା ବଣ୍ଟାଯାଉଥିଲା ବୋଲି ସୂଚନା ମିଳିଛି ।
ଖୋର୍ଦ୍ଧାରୁ ଗୋବିନ୍ଦ ଚନ୍ଦ୍ର ପଣ୍ଡା, ଇଟିଭି ଭାରତ
