ଖୋର୍ଦ୍ଧା : ଖୋର୍ଦ୍ଧା ଆଦର୍ଶ ଥାନା ପୋଲିସ୍ ଦ୍ବାରା ଖୋର୍ଦ୍ଧା ବାଇପାସର ରିଲିଆନ୍ସ ପେଟ୍ରୋଲ ପମ୍ପ ନିକଟରେ ଚଢାଉ । ୫୪ ଗ୍ରାମ ବ୍ରାଉନସୁଗାର ସହ 3 ଜଣଙ୍କୁ ଗିରଫ କରିଛି ପୋଲିସ । ଗିରଫ ଅଭିଯୁକ୍ତଙ୍କ ଠାରୁ ନଗଦ ୯୫ ହଜାର ଓ ଏକ ଇକୋ ସ୍ପୋର୍ଟ କାର, 6ଟି ମୋବାଇଲ ଜବତ ମଧ୍ୟ କରାଯାଇଛି ।
ବିପୁଳ ପରିମାଣର ବ୍ରାଉନସୁଗାର ଜବତ, 3 ଗିରଫ
ଗିରଫ ଯୁବକମାନେ ଗଞ୍ଜାମ ଖଲିକୋଟ ଥାନା ଅଞ୍ଚଳର ସଂଗ୍ରାମ ପଣ୍ଡା, ଗଞ୍ଜାମ ଜିଲ୍ଲା ରମ୍ଭା ଥାନା ଅଞ୍ଚଳର ଅମିତ ସାହୁ ଓ ଖୋର୍ଦ୍ଧା ଆଦର୍ଶ ଥାନା ଭାଲିଆବାଡିର ବିରେନ୍ଦ୍ର କୁମାର ସାହୁ । ଜବତ ବ୍ରାଉନସୁଗାରର ଆନୁମାନିକ ମୂଲ୍ୟ ୬୫ ଲକ୍ଷ ଟଙ୍କା ହେବ । ଏମାନେ ବାଲେଶ୍ବରରୁ ଖୋର୍ଦ୍ଧା ବ୍ରାଉନସୁଗାର ଆଣୁଥିବା ପୋଲିସ ସୂଚନା ଦେଇଛି। ଏମାନଙ୍କ ସହିତ ସଂପୃକ୍ତ ଅନ୍ୟ ବ୍ରାଉନସୁଗାର ବେପାରୀଙ୍କୁ ଖୋଜିବା ପାଇଁ ପୋଲିସ ଜାଲ ବିଛେଇଥିବା ସାମ୍ବାଦିକ ସମ୍ମିଳନୀରେ ଖୋର୍ଦ୍ଧା ଏସପି ସୂଚନା ଦେଇଛନ୍ତି ।
ଖୋର୍ଦ୍ଧାରୁ ଗୋବିନ୍ଦ ଚନ୍ଦ୍ର ପଣ୍ଡା, ଈଟିଭି ଭାରତ
