ଖୋର୍ଦ୍ଧା: କଣ୍ଟାବାଡ ସ୍ପୋର୍ଟସ୍ ଆସୋସିଏସନ ପକ୍ଷରୁ ଆୟୋଜିତ ଦ୍ବିତୀୟ ରାଜ୍ୟସ୍ତରୀୟ କ୍ରିକେଟ ଟୁର୍ଣ୍ଣାମେଣ୍ଟ୍ ଉଦଯାପିତ ହୋଇଛି । ଆଜିର ଏହି ଫାଇନାଲ ମ୍ୟାଚରେ ଖୋର୍ଦ୍ଧା କଳିଙ୍ଗ ଟାଇଗର କ୍ଲବ୍ ଭୁବନେଶ୍ବରର ମଞ୍ଚେଶ୍ୱର କ୍ରିକେଟ ଟିମ୍କୁ ମାତ ଦେଇଛି ଚମ୍ପିଆନ୍ ହୋଇଛି । ଚମ୍ପିଆନ୍ ଦଳକୁ ୨୦ ହଜାର ଟଙ୍କା ନଗଦ ରାଶି ସହ ଟ୍ରଫି ପ୍ରଦାନ କରାଯାଇଛି ।
ଫାଇନାଲ୍ ମ୍ୟାଚ୍ରେ ଉଭୟ ଦଳ ମଧ୍ୟରେ କଡ଼ା ଟକ୍କର ଦେଖିବାକୁ ମିଳିଥିଲା । ଶେଷରେ ମ୍ୟାଚ୍କୁ ୩୯ରେ ହାତେଇ ନେଇଥିଲା ଖୋର୍ଦ୍ଧା କଳିଙ୍ଗ ଟାଇଗର । ବିଜୟୀ ଦଳକୁ ପଦ୍ମଚରଣ ପାଣିଗ୍ରାହୀ ମେମୋରିଆଲ୍ ଟ୍ରଫି ପ୍ରଦାନ କରାଯାଇଥିବା ବେଳେ ରନର୍ସଅପ୍ ଦଳକୁ ବିଶ୍ଵନାଥ ବାହିନୀପତି ମେମୋରିଆଲ୍ ଟ୍ରଫି ସହ ୧୫ ହଜାର ଟଙ୍କା ନଗଦ ରାଶି ପ୍ରଦାନ କରାଯାଇଛି ।
ଉଦଯାପନୀ ଦିବସରେ ବେଗୁନିଆ ବିଧାୟକ ପ୍ରଦୀପ ସାହୁ ମୁଖ୍ୟ ଅତିଥି ଭାବରେ ଯୋଗ ଦେଇଥିଲେ । ସେ ଚମ୍ପିଆନ୍ ଓ ରନର୍ସଅପ୍ ଦଳକୁ ଟ୍ରଫି ପ୍ରଦାନ କରିବା ସହ ପ୍ରତ୍ୟେକ ମ୍ୟାଚ୍ର ଶ୍ରେଷ୍ଠ ଖେଳାଳି, ଟୁର୍ଣ୍ଣାମେଣ୍ଟର ଶ୍ରେଷ୍ଠ ଖେଳାଳି, ଶ୍ରେଷ୍ଠ ବୋଲର, ଶ୍ରେଷ୍ଠ ବ୍ୟାଟସ୍ମ୍ୟାନ ଏବଂ ଶ୍ରେଷ୍ଠ ଫିଲ୍ଡରଙ୍କୁ ଟ୍ରଫି ସହ ନଗଦ ଅର୍ଥରାଶି ପୁରସ୍କାର ସ୍ବରୂପ ପ୍ରଦାନ କରିଥିଲେ ।
ଖୋର୍ଦ୍ଧାରୁ ଗୋବିନ୍ଦ ଚନ୍ଦ୍ର ପଣ୍ଡା, ଇଟିଭି ଭାରତ
