ଖୋର୍ଦ୍ଧା: ବିଭିନ୍ନ ସମସ୍ୟା ନେଇ ଦୂରଦୂରାନ୍ତରୁ ଧାଇଁ ଆସୁଛନ୍ତି ଲୋକେ । ହେଲେ ଦେଖିଲା ବେଳକୁ ସରକାରୀ ବାବୁଙ୍କ ଦେଖାମିଳୁନି । ଫଳରେ ନିରାଶ ହେଉଛନ୍ତି ଲୋକେ । ଏହାକୁ ପ୍ରତିବାଦ କରି ଖୋର୍ଦ୍ଧା ଜିଲ୍ଲାରେ ଆନ୍ଦୋଳନକୁ ଓହ୍ଲାଇଛି ଖୋର୍ଦ୍ଧା ବିକାଶ ମଞ୍ଚ । ସେମାନଙ୍କ ଅଭିଯୋଗ କରିଛନ୍ତି ଯେ, ପ୍ରାୟ ସମୟ ଜିଲ୍ଲା ମୁଖ୍ୟାଳୟରେ ବିଭିନ୍ନ ସରକାରୀ ଅଧିକାରୀ କାର୍ଯ୍ୟାଳୟରେ ଉପସ୍ଥିତ ରହୁନାହାନ୍ତି ।
ଜିଲ୍ଲା ମୁଖ୍ୟାଳୟରେ ସରକାରୀ ଅଧିକାରୀ ମାନେ ନରହିବା ପ୍ରତିବାଦରେ ଧାରଣା
ସେଥିପାଇଁ ଆଜି(ସୋମବାର) ଖୋର୍ଦ୍ଧା ଜିଲ୍ଲା ମୁଖ୍ୟ ଚିକିତ୍ସା ଅଧିକାରୀଙ୍କ କାର୍ଯ୍ୟାଳୟ ସମ୍ମୁଖରେ ଧାରଣା ଦେଇଛି ଖୋର୍ଦ୍ଧା ବିକାଶ ମଞ୍ଚ । ତୁରନ୍ତ ବିଭାଗୀୟ ମୁଖ୍ୟ ମାନେ ଜିଲ୍ଲା ମୁଖ୍ୟାଳୟରେ ନରହିଲେ ଆନ୍ଦୋଳନକୁ ତୀବ୍ରତର କରାଯିବ ବୋଲି କହିଛନ୍ତି ମଞ୍ଚ ସଭାପତି ନରେନ୍ଦ୍ର କୁମାର ପୃଷ୍ଟି ।
ଖୋର୍ଦ୍ଧାରୁ ଗୋବିନ୍ଦ ଚନ୍ଦ୍ର ପଣ୍ଡା, ଇଟିଭି ଭାରତ
