ଖୋର୍ଦ୍ଧା: ଜିଲ୍ଲା ବୋଲଗଡ ବ୍ଳକ ହାଟବସ୍ତ ଷୋଳଖୁଣ୍ଟ ଖେଳ ପଡିଆରେ ଚାଲିଥିବା ମା ଯୋଗମାୟା ଫୁଟବଲ ଆସୋସିଏସନ ପକ୍ଷରୁ ୫ମ କାଳିଆ ମେମୋରିଆଲ ରାଜ୍ୟସ୍ତରୀୟ ଫୁଟବଲ ଟୁର୍ଣ୍ଣାମେଣ୍ଟ ଉଦଯାପିତ ହୋଇଯାଇଛି । ଆଜିର ଫାଇନାଲ ମ୍ୟାଚରେ ବାଲୁଗାଁ ନାରାୟଣ ଫୁଟବଲ କ୍ଳବ ଓ କଟକ ସାଇନଷ୍ଟାର ମଧ୍ୟରେ ଅନୁଷ୍ଠିତ ହୋଇଥିଲା ।
କାଳିଆ ମେମୋରିଆଲ ରାଜ୍ୟସ୍ତରୀୟ ଫୁଟବଲ ଟୁର୍ଣ୍ଣାମେଣ୍ଟ ଉଦଯାପିତ
ନିର୍ଦ୍ଧାରିତ ସମୟରେ କେହି କାହାକୁ ଗୋଲ ଦେଇ ନ ପାରିବାରୁ ଟାଇ ବ୍ରେକ ସହାୟତାରେ ୪:୨ ଗୋଲ ବ୍ୟବଧାନରେ କଟକ ଚମ୍ପିଆନ୍ ହୋଇଥିଲା । ଏହି ଅବସରରେ ଆୟୋଜିତ ପୁରସ୍କାର ବିତରଣ ଉତ୍ସବରେ ମୁଖ୍ୟ ଅତିଥି ଭାବେ ପିସିସି ସଭାପତି ନିରଞ୍ଜନ ପଟ୍ଟନାୟକ ଯୋଗ ଦେଇ ଚମ୍ପିଆନ୍ ଦଳକୁ ଟ୍ରଫି ପ୍ରଦାନ କରିଥିବା ବେଳେ ମୁଖ୍ୟ ବକ୍ତା ଭାବେ ମୁଖ୍ୟପାତ୍ର ସତ୍ୟ ପ୍ରକାଶ ନାୟକ ବାଲୁଗାଁ ଦଳକୁ ରନସ ଅଫ୍ ଟ୍ରଫି ପ୍ରଦାନ କରିଥିଲେ । ସେହିପରି ସମ୍ମାନିତ ଅତିଥି ପ୍ରଦୀପ କୁମାର ସାହୁ ମ୍ୟାନ ଅଫ ମ୍ୟାଚ ଓ ମ୍ୟାନ ଅଫ ଦ ସିରିଜ ଖେଳାଳିଙ୍କୁ ସମ୍ମାନିତ କରିଥିଲେ ।
ଖୋର୍ଦ୍ଧାରୁ ଗୋବିନ୍ଦ ଚନ୍ଦ୍ର ପଣ୍ଡା, ଇଟିଭି ଭାରତ
