ଖୋର୍ଦ୍ଧା: ବିଭିନ୍ନ ଅଞ୍ଚଳର ମନ୍ଦିରରୁ ମୂର୍ତ୍ତି ଓ ମନ୍ଦିର ସାମଗ୍ରୀ ଚୋରି ଅଭିଯୋଗର ତଦନ୍ତ କରୁଥିବା ଜଟଣୀ କମିଶନରେଟ ପୋଲିସକୁ ମିଳିଛି ବଡ଼ ସଫଳତା । ଜଟଣୀ ପୋଲିସର ଏକ ସ୍ବତନ୍ତ୍ର ଟିମ ବିଭିନ୍ନ ସ୍ଥାନରେ ଚଢ଼ାଉ କରି ପାଞ୍ଚଗୋଟି ପୁରାତନ ମୂଲ୍ୟବାନ ପିତଳ ମୂର୍ତ୍ତି ସହ ଦୁଇ କ୍ବିଣ୍ଟାଲ ପିତଳ ସାମଗ୍ରୀ ଜବତ କରିଛି । ଏଥିସହ ପାଞ୍ଚ ଜଣ ଅଭିଯୁକ୍ତଙ୍କୁ ଗିରଫ କରିଛି ।
ଅଭିଯୁକ୍ତ ମାନେ ହେଲେ ଜଟଣୀ ଅଞ୍ଚଳର ରମେଶ ଜେନା, ପଦ୍ମଲୋଚନ ବେହେରା, ମହମ୍ମଦ ସୋଏବ ଖାନ, ଅକ୍ତର ଖାନ ଓ ମଜିଦ ଖାନ ବୋଲି ପୋଲିସ ସୂଚନା ମିଳିଛି । ଏମାନଙ୍କ ନିକଟରୁ ଗୋଟିଏ ଚାରି ଚକିଆ ଗାଡ଼ି ଓ ଏକ ବାଇକ ମଧ୍ୟ ଜବତ କରାଯାଇଛି । ବିଭିନ୍ନ ମଠ ଓ ମନ୍ଦିରରୁ ଏହି ଅଭିଯୁକ୍ତ ମାନେ ମୂର୍ତ୍ତି ଚୋରି କରି ରାଜ୍ୟ ତଥା ରାଜ୍ୟ ବାହାରକୁ ଚାଲାଣ କରୁଥିଲେ ବୋଲି ପୋଲିସ ସୂଚନା ଦେଇଛି । ସମସ୍ତ ଅଭିଯୁକ୍ତ ମାନଙ୍କୁ କୋର୍ଟ ଚାଲାଣ କରାଯାଇଛି ।
ଖୋର୍ଦ୍ଧାରୁ ଗୋବିନ୍ଦ ଚନ୍ଦ୍ର ପଣ୍ଡା, ଇଟିଭି ଭାରତ
