ଭୁବନେଶ୍ବର: ନବୀନଙ୍କ ମନ୍ତ୍ରିମଣ୍ଡଳରେ ନବାଗତ ଭାବେ ସାମିଲ ହୋଇଥିବା ନବ ଦାସଙ୍କୁ ବୁଧବାର ସଚିବାଳୟରେ ମିଳିଛି ସରକାରୀ ଚାମ୍ବର। କାର୍ଯ୍ୟାଳୟରେ ପ୍ରଥମକରି ପାଦଦେବା ପରେ ମନ୍ତ୍ରୀ କହିଛନ୍ତି ରାଜ୍ୟର ସମସ୍ତ ଡ଼ାକ୍ତରଖାନାକୁ 2 ବର୍ଷ ମଧ୍ୟରେ ଆବଶ୍ୟକୀୟ ଡ଼ାକ୍ତର ଯୋଗାଇ ଦିଆଯିବ ।
ତାଙ୍କ ପାଇଁ ଅନେକ ଚ୍ୟାଲେଞ୍ଜ ରହିଛି । ଏହା ସତ୍ତ୍ବେ ମଧ୍ୟ ରାଜ୍ୟବାସୀଙ୍କୁ କିଭଳି ଭଲ ସ୍ଵାସ୍ଥ୍ୟସେବା ଯୋଗାଇ ଦିଆଯିବ ସେନେଇ ନିଷ୍ପତ୍ତି ଖୁବଶୀଘ୍ର ନିଆଯିବ ବୋଲି ମନ୍ତ୍ରୀ କହିଛନ୍ତି ।
ଏହା ସହ ଆଗାମୀ ୨ ବର୍ଷ ମଧ୍ୟରେ ରାଜ୍ୟର ସମସ୍ତ ହସ୍ପିଟାଲରେ ପର୍ଯ୍ୟାପ୍ତ ଡାକ୍ତର ଯୋଗାଇ ଦିଆଯିବ ବୋଲି ମନ୍ତ୍ରୀ କହିଛନ୍ତି । ଏବେ ସୁଦ୍ଧା ବୁର୍ଲାରେ ୬୦ ପ୍ରତିଶତ ଡାକ୍ତର ରହିଛନ୍ତି । ଆଗାମୀ ଦୁଇ ବର୍ଷ ମଧ୍ୟରେ ଓଡିଶାରେ ବଳକାଥିବା ଡାକ୍ତର ଯୋଗାଇ ଦିଆଯିବ ବୋଲି ସ୍ବାସ୍ଥ୍ୟମନ୍ତ୍ରୀ କହିଛନ୍ତି । ଏହା ସହ ରାଜ୍ୟରେ ଡାକ୍ତର ସଂଖ୍ୟା କମ ରହିଥିବା ବେଳେ ବିଭିନ୍ନ ହସ୍ପିଟାଲରେ ଯନ୍ତ୍ରାଂଶ ଅଚଳ ଥିବା ମଧ୍ୟ ମାନିଛନ୍ତି ମନ୍ତ୍ରୀ ।
ଭୁବନେଶ୍ବରରୁ ତପନ ଦାସ, ଇଟିଭି ଭାରତ
