ଖୋର୍ଦ୍ଧା: ଜିଲ୍ଲାର ବିଭିନ୍ନ ଅଞ୍ଚଳରେ ବୁଧବାର ଅପରାହ୍ନରେ କୂଆପଥର ସହ ବର୍ଷା ହୋଇଛି । ଫଳରେ ପରିବା ଫସଲ ଓ ରବି ଫସଲ ନଷ୍ଟ ହୋଇଥିବା ନେଇ ଚାଷୀ ଅଭିଯୋଗ କରିଛନ୍ତି । ମୋଟ ଲକ୍ଷାଧିକ ଟଙ୍କାର ଫସଲ ନଷ୍ଟ ହୋଇଛି ବୋଲି କୁହାଯାଉଛି ।
ଖୋର୍ଦ୍ଧାରେ କୁଆପଥର ମାଡ: ଲକ୍ଷାଧିକ ଟଙ୍କାର ପରିବା ଫସଲ ନଷ୍ଟ
ଅପରାହ୍ନ ୪ଟାରେ ହଠାତ ଝଡତୋଫାନ ସହ ବର୍ଷା ହୋଇଥିଲା । ପ୍ରାୟ ପାଞ୍ଚ ମିନିଟ ଧରି କୁଆପଥର ମାଡ ମଧ୍ୟ ହୋଇଥିଲା । ପ୍ରବଳ ପବନ ହେବା ଦ୍ଵାରା ଅନେକ ଗଛ ଭାଙ୍ଗିଯାଇଥିଲା ।
ଏହାସହ ବିଦ୍ୟୁତ ସଂଯୋଗ ମଧ୍ୟ କଟିଯାଇଛି । କାଳବୈଶାଖୀ ତାଣ୍ଡବ ବେଗୁନିଆ, ବୋଲଗଡ, ଅସରଳା, ସୁନାଖଳା, ବାଙ୍କୋଇ, କୁମ୍ଭାରୀ ଆଦି ଗାଁରେ ପ୍ରଭାବ ପକାଇଛି । ଏହି ସବୁ ଗାଁରେ ଚାଷୀଙ୍କ ଲକ୍ଷାଧିକ ଟଙ୍କାର ପରିବା ଫସଲ ଓ ରବି ଫସଲ ନଷ୍ଟ ହୋଇଥିବା ଅଭିଯୋଗ ହୋଇଛି ।
ଖୋର୍ଦ୍ଧାରୁ ଗୋବିନ୍ଦ ଚନ୍ଦ୍ର ପଣ୍ଡା, ଇଟିଭି ଭାରତ
