ଖୋର୍ଦ୍ଧା: ବିଶ୍ବରେ ଅମ୍ଲଜାନର ହ୍ରାସ ଘଟୁଛି । ଯେଉଁ କାରଣରୁ ବିଭିନ୍ନ ସମୟରେ ଘଟିବାରେ ଲାଗିଛି ପ୍ରାକୃତିକ ବିପର୍ଯ୍ୟୟ । ଏ ସବୁକୁ ଦୃଷ୍ଟିରେ ରଖି ପରିବେଶକୁ ସବୁଜ ସୁନ୍ଦର ଏବଂ ପ୍ରଦୂଷଣ ମୂକ୍ତ କରିବା ପାଇଁ ଖୋର୍ଦ୍ଧାର ପୂର୍ବତନ ବିଧାୟକ ଦିଲ୍ଲୀପ ଶ୍ରୀଚନ୍ଦନଙ୍କ ତତ୍ବାବଧାନତା ଓ ପ୍ରେରଣା ଅନୁଷ୍ଠାନ ମାଧ୍ୟମରେ ଖୋର୍ଦ୍ଧା ଜିଲ୍ଲା ରାମେଶ୍ବର ଠାରେ ଆୟୋଜିତ ହୋଇଛି ବୃକ୍ଷରୋପଣ କାର୍ଯ୍ୟକ୍ରମ ।
ଏହି କାର୍ଯ୍ୟକ୍ରମରେ ସାମିଲ ହୋଇଥିଲେ ବିଭିନ୍ନ ବିଦ୍ୟାଳୟ ଓ ମହାବିଦ୍ୟାଳୟର ଛାତ୍ରଛାତ୍ରୀ, ବୁଦ୍ଧିଜୀବୀ, ସାମ୍ବାଦିକ, ସିନେକଳାକାର, ରାଜନେତା ଏବଂ ସାଧାରଣ ଜନତା । ସ୍ଥାନୀୟ ପାନ୍ଥନିବାସ ନିକଟରେ ବୃକ୍ଷରୋପଣ ପରେ ଆରମ୍ଭ ହୋଇଥିଲା ଏକ ଶୋଭାଯାତ୍ରା । ରାମେଶ୍ବର ଗାଁ ନିକଟ ମେଳନ ପଡିଆରେ ଆୟୋଜନ କରାଯାଇଥିଲା ସାଧାରଣ ସଭା ।
ବିଶ୍ବକୁ ପ୍ରାକୃତିକ ବିପର୍ଯ୍ୟୟରୁ ରକ୍ଷାକରିବା ଏବଂ ଅମ୍ଲଜାନ ପୂର୍ଣ୍ଣ କରିବା ପାଇଁ ସମସ୍ତେ ଗୋଟିଏ ଗୋଟିଏ ଗଛ ଲଗାଇବା ପାଇଁ ଭୁବନେଶ୍ବର ସାସଂଦ ଅପରାଜିତା ଷଡ଼ଙ୍ଗୀ ସଭିଁଙ୍କୁ ଅନୁରୋଧ କରିଥିଲେ । ଏହି ସଚେତନତା ଧର୍ମୀ କାର୍ଯ୍ୟକ୍ରମରେ ସିନେତାରକା ସବ୍ୟସାଚୀ ମିଶ୍ର , ଅର୍ଚ୍ଚିତା ସାହୁ ଓ ପପୁପମ୍ ପମ୍ ପ୍ରମୁଖ ଯୋଗଦେଇଥିଲେ ।
ଖୋର୍ଦ୍ଧାରୁ ଗୋବିନ୍ଦ ଚନ୍ଦ୍ର ପଣ୍ଡା, ଇଟିଭି ଭାରତ
