ଖୋର୍ଦ୍ଧା: ବଡପଦର 16 ନମ୍ବର ଜାତୀୟ ରାଜପଥ ନିକଟରେ ସଡକ ଦୁର୍ଘଟଣା । ବିଦେଶୀ ପର୍ଯ୍ୟଟକ ଆହତ । ଟାଙ୍ଗୀ ଗୋଷ୍ଠୀ ସ୍ବାସ୍ଥ୍ୟକେନ୍ଦ୍ରରେ ଭର୍ତ୍ତି ।
ଲଣ୍ଡନରୁ ଆସିଥିବା ଦୁଇ ପର୍ଯ୍ୟଟକ, ଚିଲିକା ବୁଲିବାକୁ ଆସି ଭୁବନେଶ୍ବର ଫେରୁଥିବା ସମୟରେ ଦୁର୍ଘଟଣା ଘଟିଛି । ପର୍ଯ୍ୟଟକମାନେ ଆସୁଥିବା କାରକୁ ପଛପଟୁ ଟ୍ରକ ଧକ୍କା ଦେବାରୁ ଦୁଇ ପର୍ଯ୍ୟଟକ ମହେନ୍ଦ୍ର ଲକ୍ଷନ ଓ ତାଙ୍କ ସ୍ତ୍ରୀ ଅରୁନା ଲକ୍ଷନ ଆହତ ହୋଇଛନ୍ତି ।
ସେମାନେ ଭୁବନେଶ୍ବର ଫେରୁଥିବା ସମୟରେ ତାଙ୍କ ଗାଡି ସାମ୍ନାକୁ ଜଣେ ଭିକାରୀ ଚାଲି ଆସିବାରୁ ଚାଳକ ଜଣଙ୍କ ହଠାତ୍ ବ୍ରେକ ମାରିଥିଲେ । ସେପଟେ ଏହି ସମୟରେ ପଛରୁ ଆସୁଥିବା ଏକ ଟ୍ରକ, କାରରୁ ଧକ୍କା ଦେଇଥିଲା । ତେବେ ଟ୍ରକଟି ଧକ୍କା ଦେବା ପରେ ଘଟଣାସ୍ଥଳରୁ ଫେରାର ହୋଇଯାଇଥିବାବେଳେ ନାଚୁଣୀ ଫାଣ୍ଡି ପୋଲିସ ଘଟଣାସ୍ଥଳରେ ପହଞ୍ଚି ଦୁର୍ଘଟଣାଗ୍ରସ୍ତ କାରକୁ ଜବତ କରିବା ସହ ତଦନ୍ତ ଜାରି ରଖିଛି ।
ଖୋର୍ଦ୍ଧାରୁ ଗୋବିନ୍ଦ ଚନ୍ଦ୍ର ପଣ୍ଡା, ଇଟିଭି ଭାରତ
