ଖୋର୍ଦ୍ଧା: ଅପହରଣ କରିବାକୁ ଆସି ବନ୍ଧା ହେଲେ ସମିତି ସଭ୍ୟଙ୍କ ସମେତ 5 ଅପହରଣକାରୀ। ପୂର୍ବ ଶତ୍ରୁତାର ପ୍ରତିଶୋଧ ନେବାକୁ ଆସି ଫସିଗଲେ ସମିତି ସଭ୍ୟ । ଏହି ଘଟଣା ଘଟିଛି ଖୋର୍ଦ୍ଧା ରାଉତରପଡା ଗାଁର ।
ଅପହରଣ କରିବାକୁ ଆସି ବନ୍ଧା ହେଲେ ସମିତି ସଭ୍ୟଙ୍କ ସହ 5 ଅପହରଣକାରୀ
ରାଉତପଡା ଗାଁର ସମିତ ସଭ୍ୟ ସେହି ଗାଁ ମନୋରଞ୍ଜନ ସାହୁଙ୍କୁ ଅପହରଣ କରିବାକୁ ଉଦ୍ୟମ କରିଥିଲେ । ଏହି ସମୟରେ ଗ୍ରାମବାସୀ ପହଞ୍ଚି ଅପହରଣକାରୀଙ୍କୁ ଅଟକ ରଖିବା ସହ ଉତ୍ତମ ମଧ୍ୟମ ଦେଇଥିଲେ । ଅପହରଣ ପାଇଁ ଆସିଥିବା ବୋଲେର ଗାଡିକୁ ମଧ୍ୟ ଭଙ୍ଗାରୁଜା କରିଥିଲେ ଗ୍ରାମବାସୀ । ଏହା ପରେ ପୋଲିସକୁ ଖବର ଦେଇଥିଲେ ।
ପୋଲିସ ଘଟଣାସ୍ଥଳରେ ପହଞ୍ଚି ଉତ୍ତ୍ୟକ୍ତ ଗ୍ରାମବାସୀଙ୍କ ଠାରୁ ଅପହରଣକାରୀଙ୍କୁ ଉଦ୍ଧାର କରିଥିଲେ । ସେମାନଙ୍କ ଠାରୁ ଏକ ବନ୍ଧୁକ ଜବତ କରି ପାଞ୍ଚ ଜଣଙ୍କୁ ଗିରଫ କରିଥିବା ବେଗୁନିଆ ଥାନା ଅଧିକାରୀ ସୂଚନା ଦେଇଛନ୍ତି ।
ଖୋର୍ଦ୍ଧାରୁ ଗୋବିନ୍ଦ ଚନ୍ଦ୍ର ପଣ୍ଡା, ଇଟିଭି ଭାରତ
