ଖୋର୍ଦ୍ଧା: ଜିଲ୍ଲା ଜଙ୍କିଆ ଥାନା ଅନ୍ତର୍ଗତ ଡମଣଭୂଇଁ ଗ୍ରାମରେ ଘଟିଛି ଅଘଟଣ । ବିଦ୍ୟୁତ ଆଘାତରେ ଜଣେ ମହିଳା ଶ୍ରମିକଙ୍କ ମୃତ୍ୟୁ ଘଟିଛି । ମୃତକ ଜଣଙ୍କ ଡମଣଭୂଇଁ ଗ୍ରାମର ବିନି ଦଳାଇ । ଘଟଣାରୁ ଜଣାପଡିଛି ହାତୀ, ପାତି, ବାରାହା ଭଳି ଜଙ୍ଗଲି ଜନ୍ତୁ କବଳରୁ ରକ୍ଷା ପାଇବା ପାଇଁ ସନାତନ ଭୋଳ ନାମକ ଜଣେ ବ୍ୟକ୍ତି ତାଙ୍କ ଫସଲ ଜମିରେ ବିଦ୍ୟୁତ ତାର ବିଛାଇ ଥିଲେ ।
ବିଦ୍ୟୁତ ଆଘାତରେ ମହିଳା ଶ୍ରମିକଙ୍କ ମୃତ୍ୟୁ
ସନାତନ ଫସଲ କିଆରୀରେ ବିନି କାମ କରିବାକୁ ଯାଇଥିବା ବେଳେ ବିଦ୍ୟୁତ ସଂସ୍ପର୍ଶରେ ଆସି ମୃତ୍ୟୁ ଘଟିଛି । ବିନିର ପରିବାର ଲୋକେ ଜଙ୍କିଆ ଥାନାରେ ଅଭିଯୋଗ କରିଛନ୍ତି । ବର୍ତ୍ତମାନ ସୁଦ୍ଧା ପୋଲିସ ଘଟଣା ସ୍ଥଳରେ ପହଞ୍ଚି ନାହିଁ । ବିନିର ମୃତ୍ୟୁ ପାଇଁ ଗାଁରେ ଅପ୍ରୀତିକର ପରିସ୍ଥିତି ଦେଖିବାକୁ ମିଳିଛି ।
ଖୋର୍ଦ୍ଧାରୁ ଗୋବିନ୍ଦ ଚନ୍ଦ୍ର ପଣ୍ଡା, ଇଟିଭି ଭାରତ
