ଭୁବନେଶ୍ବର: ଓଡ଼ିଶାର ଲୋକପ୍ରିୟ ଅଭିନେତ୍ରୀ ଅନୁଚୌଧରୀଙ୍କୁ କ୍ୟାନ୍ସର ହୋଇଥିବା ନେଇ କିଛି କଥାକଥିତ ୱେବ୍ ପୋର୍ଟାଲରେ ଖବର ପ୍ରସାରଣ ହୋଇଥିଲା । ଏହା ସାମାଜିକ ଗଣମାଧ୍ୟମରେ ଭାଇରାଲ ହେଉଥିବା ଦେଖିବାକୁ ମିଳିଥିଲା । କିଛି ଅସାମାଜିକ ବ୍ୟକ୍ତି ଚ୍ୟାନେଲ୍ରେ ଲାଇକ୍ ଓ ଭିୟୁ ବଢ଼ାଇବା ଉଦ୍ଦେଶ୍ୟରେ ଏଭଳି ଅନେକ ଖବର ପ୍ରସାରଣ କରୁଥିବା ନଜିର ରହିଛି । ଅଭିନେତ୍ରୀ ଅନୁ ଚୌଧୀରଙ୍କୁ କ୍ୟାନ୍ସର ହୋଇଛି ଓ ସେ ହସ୍ପିଟାଲ୍ରେ ଭର୍ତ୍ତି ହୋଇଥିବା ନେଇ ମିଥ୍ୟା ଖବର ପ୍ରସାରଣ କରିଥିଲା ସମ୍ପୃକ୍ତ ୱେବ୍ ପୋର୍ଟାଲ । ଯାହାକୁ ନେଇ ଆଜି ନିଜର ପ୍ରତିକ୍ରିୟା ରଖିଛନ୍ତି ଅଭିନେତ୍ରୀ ଅନୁ ଚୌଧୁରୀ । ସେ ସାଇବର ଥାନାର ଦ୍ବାରସ୍ତ ହୋଇଥିବା ଜଣା ପଡ଼ିଛି ।
ଏହା ମଧ୍ୟ ପଢନ୍ତୁ...ମିଳୁନି ସୌରିନ ଭଟ୍ଟଙ୍କ ଖୋଜଖବର, କଣ୍ଠଶିଳ୍ପୀଙ୍କ ନାଁରେ ଲୁକ ଆଉଟ ନୋଟିସ୍
ଏଭଳି ଖବର ନେଇ ଅଭିନେତ୍ରୀ ଅନୁ ଚୌଧୁରୀଙ୍କୁ ଏକ ଭିଡିଓ ସେୟାର କରି କହିଛନ୍ତି "ମୁଁ ସମ୍ପୂର୍ଣ୍ଣ ସୁସ୍ଥ ଅଛି ମୋର କିଛି ହୋଇନାହିଁ । ତେଣୁ ସତ୍ୟତା ନଜାଣି ଏଭଳି ମିଛ ପ୍ରଚାର କରି କିଛି ଲୋକ ନିଜର ଲୋକପ୍ରିୟତା ବା ଭିୟୁଜ୍ ପାଇଁ କରିଛନ୍ତି । ଦୟାକରି ଏଭଳି କରନ୍ତୁ ନାହିଁ । ଆପଣଙ୍କର ଏହି ମିଛ ପ୍ରଚାର ପାଇଁ ମୁଁ ଅନେକ ସମସ୍ୟାରେ ପଡ଼ୁଛି । ଯିିଏ ବି କରିଛନ୍ତି ସେ ଏଭଳି ଶସ୍ତା ମାନସିକତାର ଥମ୍ୱନେଲ ତିଆରି କିର ନିଜର ରୋଜଗାର ପନ୍ଥା ଆପଣାନ୍ତୁ ନାହିଁ । ଯଦି ଆପଣଙ୍କ ପାଖରେ ପ୍ରତିଭା ଅଛି, ତାହାଲେ କାମ କରି ରୋଜଗାର କରନ୍ତୁ । ଦୟାକରି ଶାନ୍ତିରେ ମତେ ମୋ କାମ କରିବାକୁ ଦିଅନ୍ତୁ ।" ଏନେଇ ଅନୁ ଚୌଧୁରୀ ସାଇବର ଥାନାରେ ଅଭିଯୋଗ କରିଥିବା ସୂଚନା ଦେଇଛନ୍ତି ।
ଓଡ଼ିଶାର ଜଣେ ଆଗଧାଡିର ଜଣାଶୁଣା ଅଭିନେତ୍ରୀ ଅନୁ ଚୌଧୁରୀ । ନିଜର ଚମତ୍କାର ଅଭିନୟ ବଳରେ ଲୋକଙ୍କ ମନକୁ ବାନ୍ଧି ରଖି ଆସିଛନ୍ତି । ସେ ପ୍ରଥମେ ଶିଶୁ ଅଭିନତ୍ରୀ ଭାବେ ନିଜର କଳା ପ୍ରଦର୍ଶନ କରି ବେଶ ଲୋକପ୍ରିୟ ହୋଇ ପାରିଥିଲେ । ୧୯୯୮ ମସିହାରେ ମାଁ ଗୋଜବାୟାଣି ସିନେମାରେ ମୁଖ୍ୟ ନାୟିକା ଭାବେ ଅଭିନୟ କରିଥିଲେ । ସେ ହିନ୍ଦି, ତେଲୁଗୁ , ବଙ୍ଗାଳୀ ଭଳି ବହୁଭାଷି ଚଳଚ୍ଚିତ୍ରରେ ଅଭିନୟ କରିଛନ୍ତି ।
ଏହା ପୁର୍ବରୁ କିଛି ଦିନ ତଳେ ଓଡ଼ିଶା ସିନେମା ଜଗତର ବହୁ ଲୋକପ୍ରିୟ କଳାକାରଙ୍କ ମିଛ ମତ୍ୟୁ ଖରବ ଘୁରି ବୁଲୁଥିଲା । ଯାହାକୁ ନେଇ ସେମାନଙ୍କ ପ୍ରଶଂସକ ମଧ୍ୟରେ ଅସନ୍ତୋଷ ପ୍ରକାଶ ପାଇଥିଲା । ଆଉ ଏବେ ଅଭିନେତ୍ରୀ ଅନୁ ଚୌଧୀରଙ୍କୁ କ୍ୟାନ୍ସର ହୋଇଥିବା ମିଛ ଖବର ସୋସିଆଲ୍ ମିଡିଆରେ ଭାଇରାଲ ହେଉଥିବା ଦେଖିବାକୁ ମିଳିଛି ।
ଇଟିଭି ଭାରତ,ଭୁବନେଶ୍ବର
