ଖୋର୍ଦ୍ଧା: ଦିନକୁ ଦିନ ବଢୁଛି ନିଶା ମାଫିଆଙ୍କ ଆତଙ୍କରାଜ । ବ୍ରାଉନସୁଗାର ପରେ ଏବେ ଗଞ୍ଜେଇ ଚୋରା ଚାଲାଣ କରି ମାଲାମାଲ ହେଉଛନ୍ତି ମାଫିଆ । ତେବେ ଏମାନଙ୍କ ଉପରେ ତୀକ୍ଷ୍ଣ ନଜର ରଖିଛି ଅବକାରୀ ବିଭାଗ ।
ଖୋର୍ଦ୍ଧା ଅବକାରୀ ବିଭାଗର ଚଢାଉ, ପ୍ରାୟ ୯ ଲକ୍ଷ ଟଙ୍କାର ଗଞ୍ଜେଇ ଜବତ
ସେହିପରି ଆଜି(ମଙ୍ଗଳବାର) ଖୋର୍ଦ୍ଧା ଅବକାରୀ ବିଭାଗ ପକ୍ଷରୁ ଗୋଡିପଡା ଟୋଲ ଗେଟ ନିକଟରୁ ବିପୁଳ ପରିମାଣର ଗଞ୍ଜେଇ ଜବତ କରାଯାଇଛି । ଦୁଇଟି କାରରେ ଗଜପତିରୁ ଭୁବନେଶ୍ୱର ଚୋରା ଚାଲାଣ ହେଉଥିବାବେଳେ ଅବକାରୀ ବିଭଗ ଚଢ଼ାଉ କରି ୬ଜଣଙ୍କୁ ଗିରଫ କରିବା ସହ ୧ କ୍ୱିଣ୍ଟାଲ ୮୦ କେଜି ଗଞ୍ଜେଇ ଓ ଦୁଇଟି କାରକୁ ଜବତ କରିଛି । ତେବେ ଜବତ ଗଞ୍ଜେଇର ମୂଲ୍ୟ ପ୍ରାୟ ୯ ଲକ୍ଷ ଟଙ୍କା ହେବ ବୋଲି ଅବକାରୀ ବିଭାଗ ପକ୍ଷରୁ କୁହାଯାଇଛି ।
ଖୋର୍ଦ୍ଧାରୁ ଗୋବିନ୍ଦ ଚନ୍ଦ୍ର ପଣ୍ଡା, ଇଟିଭି ଭାରତ
