ପାଣିମୋଟର ଚଲାଇବା ବେଳେ ବିଦ୍ୟୁତ ଆଘାତରେ ମହିଳା ମୃତ

ଚିଲିକା ବ୍ଲକ ଗଙ୍ଗାଧରପୁର ଗ୍ରାମରେ ଘରେ ପାଣିମୋଟର ଚଲାଇବା ସମୟରେ ବିଦ୍ୟୁତ ଆଘାତରେ ମହିଳା ମୃତ ।

ଖୋର୍ଦ୍ଧା: ଚିଲିକା ବ୍ଲକ ଗଙ୍ଗାଧରପୁର ଗ୍ରାମରେ ଆଜି ବିଦ୍ୟୁତ ଆଘାତରେ ଜଣେ ମହିଳା ପ୍ରାଣ ହରାଇଛନ୍ତି । ମୃତକ ଜଣକ ସୁଜ୍ଞାନୀ ପଟ୍ଟନାୟକ (୨୫) ।

ସୂଚନା ଅନୁଯାୟୀ ସୁଜ୍ଞାନୀ ନିଜ ଘରେ ପାଣି ମୋଟର ଚଲାଇବା ବେଳେ ବିଦ୍ୟୁତ ଆଘାତରେ ତଳେ ପଡ଼ି ଯାଇଥିଲେ । କିଛି ସମୟ ପରେ ଘର ଲୋକ ତାଙ୍କୁ ଟାଙ୍ଗୀ ମେଡ଼ିକାଲରେ ଭର୍ତ୍ତି କରିଥିଲେ । କିନ୍ତୁ ସେଠାରେ ଡାକ୍ତର ତାଙ୍କୁ ମୃତ ଘୋଷଣା କରିଛନ୍ତି ।

ଖୋର୍ଦ୍ଧାରୁ ଗୋବିନ୍ଦ ଚନ୍ଦ୍ର ପଣ୍ଡା, ଈଟିଭି ଭାରତ