ଖୋର୍ଦ୍ଧା: ରାଜ୍ୟରେ ଦିନକୁ ଦିନ ବଢିବାରେ ଲାଗିଛି ଚୋରୀ ଡକାୟତି । ୮ ଡକାୟତଙ୍କୁ ଗିରଫ କରିବା ସହ ଗୋଟିଏ ହାଇଡ୍ରା ମେସିନ ସହ ୩ ଆଇଚର ଟ୍ରକ ଓ ମାରଣାସ୍ତ୍ର ଜବତ କରିଛି ଟାଙ୍ଗୀ ପୋଲିସ । ଏହାସହ ଅଧିକ ତଦନ୍ତ ଜାରି ରଖିଛି ।
ପାଣି ପାଇପ ଲୁଟ୍ ଯୋଜନା ପଣ୍ତ: ୮ ଡକାୟତଙ୍କୁ ଗିରଫ କଲା ଟାଙ୍ଗୀ ପୋଲିସ
ସୂଚନା ଅନୁସାରେ, ସୋମବାର ବିଳମ୍ବିତ ରାତିରେ ଖୋର୍ଦ୍ଧା ଜିଲ୍ଲା ଟାଙ୍ଗୀ କଲେଜ ପଡିଆରେ ରଖାଯାଇଥିବା ପାଣି ପାଇପକୁ ଲୁଟ କରିବାକୁ ଯୋଜନା କରିଥିଲା ଏକ ଡକାୟତି ଗ୍ୟାଙ୍ଗ । ପାଇପକୁ ଜଗିଥିବା ସୁରକ୍ଷା କର୍ମୀଙ୍କୁ ଧମକାଇ ପାଣି ପାଇପ ଲୁଟ୍ କରୁଥିବା ବେଳେ ସୁରକ୍ଷା କର୍ମୀ ଟାଙ୍ଗୀ ପୋଲିସକୁ ଖବର ଦେଇଥିଲେ । ଖବର ପାଇ ଟାଙ୍ଗୀ ପୋଲିସ ଘଟଣାସ୍ଥଳରେ ପହଞ୍ଚି ଥିଲା ।
ପରେ ୮ ଡକାୟତଙ୍କୁ ଗିରଫ କରିବା ସହ ୩ ଟି ଆଇଚର ଟ୍ରକ,ଗୋଟିଏ ହାଇଡ୍ରା ମେସିନ ,ସହ ୩ ଟି ପାଇପ, ୯ ଟି ମୋବାଇଲ ଫୋନ, ଭୁଜାଲି, ଲୁହା ରଡକୁ ଜବତ କରିଥିଲା ପୋଲିସ । ଏନେଇ ସାମ୍ବାଦିକ ସମ୍ମିଳନୀରେ ସୂଚନା ଦେଇଛନ୍ତି ବାଲୁଗାଁ ଏସଡିପିଓ ।
ଖୋର୍ଦ୍ଧାରୁ ଗୋବିନ୍ଦ ଚନ୍ଦ୍ର ପଣ୍ଡା,ଇଟିଭି ଭାରତ
