ଖୋର୍ଦ୍ଧା: ଜିଲ୍ଲା ରାଉତପଡା କେନ୍ଦ୍ର ସମବାୟ ବ୍ୟାଙ୍କରେ ଜମାକାରୀଙ୍କ ଟଙ୍କା ହେରଫେର ମାମଲା । ଏହି ଘୋଟଲାରେ ଖୋଲୁଛି ଗୋଟିଏ ପରେ ଗୋଟିଏ ନୂଆ ଫର୍ଦ । ଅଭିଯୁକ୍ତମାନେ ଧରା ପଡିଯିବା ପରେ ସବୁ ଦୋଷ ତତ୍କାଳୀନ ଆକାଉଣ୍ଟାଣ୍ଟଙ୍କ ମୁଣ୍ଡରେ ଲଦି ଦେଇଛନ୍ତି ବ୍ୟାଙ୍କର ବଡ଼ ବାବୁମାନେ ।
ତାହା ଏବେ ସାମ୍ନାକୁ ଆସିଛି । ଦେଖନ୍ତୁ ଏହି ଏଗ୍ରିମେଣ୍ଟ ପେପରକୁ ଯେଉଁଥିରେ ରାଉତପଡା ସମବାୟ ବ୍ୟାଙ୍କରେ ହୋଇଥିବା ଅର୍ଥ ହଡପ ଘଟଣାରେ ନିଜକୁ ଦାୟୀ କରିଛନ୍ତି ତତ୍କାଳୀନ ଆକାଉଣ୍ଟାଣ୍ଟ ବୁଦ୍ଧିରାମ ଦାସ । କିନ୍ତୁ ଏହି ଏଗ୍ରିମେଣ୍ଟ ପେପରକୁ ନେଇ ସନ୍ଦେହ ପ୍ରକଟ କରିଛନ୍ତି ସ୍ଥାନୀୟ ଜମାକାରୀ । ଅର୍ଥ ହେରଫେର ମାମଲାରେ ବ୍ୟାଙ୍କର ବଡ଼ ଅଧିକାରୀ ଫସିଯିବା ଭୟରେ ଏଭଳି ଏଗ୍ରିମେଣ୍ଟ କରି ଖସିଯିବାକୁ ହିନ ଚକ୍ରାନ୍ତ କରିଥିବା କହିଛନ୍ତି ସ୍ଥାନୀୟ ବୁଦ୍ଧିଜୀବୀ ।
ସେପଟେ ଜିଲ୍ଲାପାଳଙ୍କ ନିର୍ଦ୍ଦେଶ ପରେ ଘଟଣାର ତଦନ୍ତ ପାଇଁ କ୍ରାଇମବ୍ରାଞ୍ଚର ଅର୍ଥନୈତିକ ଅପରାଧ ଶାଖାକୁ ମେଲ ଯୋଗେ ଅନୁରୋଧ କରାଯାଇଛି । ତିନି ଅଭିଯୁକ୍ତଙ୍କ ବିରୋଧରେ ବେଗୁନିଆ, ବୋଲଗଡ଼ ଏବଂ ରଣପୁର ଥାନାରେ ପୋଷ୍ଟ ଯୋଗେ ଏଫଆଇଆର ଦିଆଯାଇଥିବା ବ୍ୟାଙ୍କ ପକ୍ଷରୁ କୁହାଯାଇଛି । ତେବେ କେବେ ଜମାକାରୀ ସେମାନଙ୍କ ଜମା ଟଙ୍କା ଫେରି ପାଇବେ ତାକୁ ହିଁ ଅପେକ୍ଷା ।
ଖୋର୍ଦ୍ଧାରୁ ଗୋବିନ୍ଦ ଚନ୍ଦ୍ର ପଣ୍ତା, ଇଟିଭି ଭାରତ
