ଖୋର୍ଦ୍ଧା: ଲକଡାଉନ ସଟଡାଉନରେ ସକ୍ରିୟ ଗୋଚାଲାଣକାରୀ । ଅନ୍ଧାରର ସୁଯୋଗ ନେଇ ଗୋ ମାଫିଆମାନେ କରୁଛନ୍ତି ଗୋଚାଲାଣ । ଏହି ପରିପ୍ରେକ୍ଷୀରେ ଖବର ପାଇ ଖୋର୍ଦ୍ଧା ଜିଲ୍ଲା ଚଟୁଆ ନିକଟରେ ବେଗୁନିଆ ପୋଲିସ ଚଢାଉ କରି 20 ଗାଈଙ୍କୁ ଉଦ୍ଧାର କରିଛି ।
ଗତକାଲି(ସୋମବାର) ବିଳମ୍ବିତ ରାତିରେ ବେଗୁନିଆ ପୋଲିସ ଚଟୁଆ ନିକଟରେ ଚଢ଼ାଉ କରି ଏକ ଗୋରୁ ବୋଝେଇ କଣ୍ଟେନରକୁ ଜବତ କରିଛି । ଏଥସହ ମାମଲାରେ ସମ୍ପୃକ୍ତ ଜଣଙ୍କୁ ଗିରଫ କରିଛି ପୋଲିସ । ଚାଲାଣ ହେଉଥିବା 20 ଗୋରୁଙ୍କୁ ଉଦ୍ଧାର କରି ଭୁବନେଶ୍ୱର ସିଜୁଆ ଗୋଶାଳାରେ ଛାଡିଛି ପୋଲିସ । ତେବେ ପଶ୍ଚିମବଙ୍ଗକୁ ଗୋରୁ ଚାଲାଣ ହେଉଥିବା ନେଇ ବେଗୁନିଆ ପୋଲିସ ସୂଚନା ଦେଇଛନ୍ତି ।
ଖୋର୍ଦ୍ଧାରୁ ଗୋବିନ୍ଦ ଚନ୍ଦ୍ର ପଣ୍ଡା, ଇଟିଭି ଭାରତ
