ଖୋର୍ଦ୍ଧା: ଖୋର୍ଦ୍ଧା ଅଞ୍ଚଳ ପାଲଟିଛି ନିଶା ବେପାରୀଙ୍କ ଆଡ୍ଡାସ୍ଥଳୀ । ତେବେ ଆଜି ଏକ ପରିବା ଦୋକନରୁ ବିପୁଳ ପରିମାଣର କଫ ସିରଫ ଜବତ କରିଛି ଖୋର୍ଦ୍ଧା ଅବକାରୀ ବିଭାଗ । ଖୋର୍ଦ୍ଧା ଜିଲ୍ଲା ଆଦର୍ଶ ଥାନା ଅନ୍ତର୍ଗତ ପୁବୁସାହି ବଜାରରେ ଥିବା ଏକ ପରିବା ଦୋକାନରେ ଚଢ଼ାଉ କରି 19 ବୋତଲ କଫ ସିରଫ ଜବତ କରିବା ସହ ଜଣଙ୍କୁ ଗିରଫ କରିଥିବା ଜଣାପଡ଼ିଛି ।
ପରିବା ଦୋକାନରୁ ଜବତ ହେଲା କଫ ସିରଫ : ଜଣେ ଗିରଫପରିବା ଦୋକାନରୁ ଜବତ ହେଲା କଫ ସିରଫ : ଜଣେ ଗିରଫ
କଫ ସିରଫରେ ନିଶା ଥିବାରୁ ଏହାକୁ ଏବେ ନିଶାଖୋରମାନେ ବ୍ୟବହାର କରୁଛନ୍ତି । ଗିରଫ ବ୍ୟକ୍ତି ଜଣକ ପୁବୁସାହି ଗ୍ରାମର ସୂର୍ଯ୍ୟକାନ୍ତ ଜେନା ବୋଲି ଖୋର୍ଦ୍ଧା ଅବକାରୀ ନିରୀକ୍ଷକ ସୂଚନା ଦେଇଛନ୍ତି । ତାଙ୍କୁ ଅଧିକ ପଚରାଉଚରା ଜାରି ରଖିଛି ପୋଲିସ ।
ଖୋର୍ଦ୍ଧାରୁ ଗୋବିନ୍ଦ ଚନ୍ଦ୍ର ପଣ୍ଡା, ଇଟିଭି ଭାରତ
