ଭୁବନେଶ୍ବର: କେନ୍ଦ୍ର ଗୃହମନ୍ତ୍ରୀ ଅମିତ ଶାହ ଓଡ଼ିଶା ଗସ୍ତରେ ଆସିଥିବା ବେଳେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ସହ ରୁଦ୍ଧଦ୍ବାର ବୈଠକ କରିଥିଲେ । ଯାହାକୁ ନେଇ କଂଗ୍ରେସ ଉଭୟ ଦଳ ମଧ୍ୟରେ ଡିଲ୍ ହୋଇଥିବା ନେଇ କରୁଥିବା ଭିଯୋଗକୁ ଆହୁରି ଶାଣିତ କରିଛି । ତେବେ ଶାହଙ୍କ ଓଡିଶା ଗସ୍ତ କାର୍ଯ୍ୟକ୍ରମର ଲକ୍ଷ୍ୟ କଣ ଥିଲା, ତାହାକୁ ନେଇ ରାଜ୍ୟ ସରକାରଙ୍କୁ ଟାର୍ଗେଟ କରିଛି କଂଗ୍ରେସ । ଆଜି ଭୁବନେଶ୍ବର କଂଗ୍ରେସ ଭବନରେ ବିଜେଡି ଓ ବିଜେପି ମଧ୍ୟରେ ଭିତିରି ସମ୍ପର୍କକୁ ଏକ ସାମ୍ବାଦିକ ସମ୍ମିଳନୀରେ ଏକ୍ସପୋଜ କରିବାକୁ ଚେଷ୍ଟା କରିଛି କଂଗ୍ରେସ । ଶାହାଙ୍କ ଏହି ଗସ୍ତକୁ ନେଇ ୧୦ଟି ପ୍ରଶ୍ନ ପଚାରିଛନ୍ତି ବରିଷ୍ଠ କଂଗ୍ରେସ ନେତା ପଞ୍ଚାନନ କାନୁନଗୋ ।
ପଞ୍ଚାନନ ପଚାରିଛନ୍ତି, "ଅମିତ ଶାହ କେନ୍ଦ୍ର ରାଜକୋଷରୁ ଏତେ ଟଙ୍କା ଖର୍ଚ୍ଚ କରି କଣ ଏତେ ଛୋଟ କାମ ପାଇଁ ଭୁବନେଶ୍ବର ଆସିଥିଲେ, ନା ଆଉ କିଛି କାରଣ ଥିଲା ? ଓଡିଶାବାସୀ ଭୁଲିନାହାନ୍ତି, ଅମିତ ଶାହ ଓଡିଶାର ନବୀନ ସରକାରଙ୍କୁ ପୋଡା ଟ୍ରାନ୍ସଫର କହିଥିଲେ । ତେବେ ଏହା କେବେ ଓ କିଏ ମରାମତି କରିବାରୁ ଅମିତି ଶାହ ଓଡିଶା ଆସିଲେ, ତାର ଉତ୍ତର ରଖୁ ବିଜେଡି । ଏକ ନିର୍ବାଚନ ସଭାରେ ୨୦୧୪ ମସିହା ପୂର୍ବରୁ ଶାହ କହିଥିଲେ, ତାଙ୍କ ଦଳ ସରକାରକୁ ଆସିଲେ ଓଡିଶା ସରକାରଙ୍କ ଦୁର୍ନୀତିର ସିବିଆଇ ତଦନ୍ତ ହେବ । ୯ ବର୍ଷ ଶାସନ ହେଲାଣି । କଣ ହେଲା ସେ କଥା ? ନା ତା ବଦଳରେ ସବୁ ଅପକର୍ମ ପାଇଁ ବିଜେଡି ଦଳର ସମର୍ଥନ ହାତେଇଲେ ? ଭାରତର ସୌରାଷ୍ଟ୍ର ଭୁବନେଶ୍ବର ଆସିଲେ, ସେ ଯେଉଁ ହୋଟେଲରେ ରହୁଥିଲେ ସେଠାରେ ଓଡ଼ିଶାରେ ଚର୍ଚ୍ଚିତ 5T ସଚିବଙ୍କୁ ଭେଟି ୩୫ ମିନିଟ ଧରି କଣ ଆଲୋଚନା କଲେ ?" ଏପରିକି ସେହି ନିବୃତ କୋଠରୀ ଆଲୋଚନା ସମୟରେ ବିଜେପିର ୪ ଜଣ ପ୍ରମୁଖ ନେତା (ବୈଜୟନ୍ତ ପଣ୍ଡା, ଧର୍ମେନ୍ଦ୍ର ପ୍ରଧାନ, ସମ୍ବିତ ପାତ୍ର, ମନମୋହନ ସାମଲ)ଙ୍କୁ ବାହାରକୁ ଯିବା ପାଇଁ କେଉଁ ଉଦ୍ଦେଶ୍ୟରେ କୁହାଗଲା ବୋଲି ପ୍ରଶ୍ନ କରିଛି କଂଗ୍ରେସ ।
