ଖୋର୍ଦ୍ଧା : ଆଧୁନିକତାର କ୍ରେଜରେ ହଜି ଯିବନି ରେଡିଓର ଛାପ । ଗାଁ ଗହଳିର ଲୋକଙ୍କ ପାଖରେ ପହଞ୍ଚିବ ପ୍ରତି ମୂହୁର୍ତ୍ତର ଟିକନିକ ଖବର। ଏନେଇ ଭୁବନେଶ୍ୱରରେ ଆରମ୍ଭ ହୋଇଯାଇଛି 5 ଦିନିଆ ତାଲିମ ଶିବିର। ଯେଉଁଥିରେ ତାଲିମ ନେଉଛନ୍ତି ବିଭିନ୍ନ ଗୋଷ୍ଠୀ ବେତାର କେନ୍ଦ୍ରର ଯୁବ ସାମ୍ବାଦିକ।
ଭିଡିଓ ସୌଜନ୍ୟ: ପ୍ରତିନିଧି ଖୋର୍ଦ୍ଧା
ତେବେ ରେଡ଼ିଓ କେବଳ ମନୋରଞ୍ଜନର ଖୋରାକ ଯୋଗାଇଥାଏ ତାହା ନୁହେଁ ଖବର ପ୍ରସାରଣ ସହ ଅନେକ ସୂଚନା ପ୍ରଦାନ କରିଥାଏ । ଏଦିଗରେ ଲୋକାଭିମୁଖୀ ହୋଇଛି ଗୋଷ୍ଠୀ ବେତାର କେନ୍ଦ୍ର । ରେଡ଼ିଓ ପ୍ରତି ଯୁବବର୍ଗଙ୍କ ଆକର୍ଷଣ ବଢ଼ାଇବା ପାଇଁ ଆରମ୍ଭ ହୋଇଛି ଏହି ନିଆରା ପ୍ରୟାସ ।
ବିଭିନ୍ନ ଗାଁର ଲୋକଙ୍କ ପାଖରେ ଖବର ଓ ମନର କଥାକୁ ଲୋକଙ୍କ ପାଖରେ ପହଞ୍ଚିବ ତା ଉପରେ ତାଲିମ ଦିଆଯାଉଛି। ୟୁନିସେଫର ସହଯୋଗରେ ଏହି ତାଲିମ କେନ୍ଦ୍ରରେ 50 ରୁ ଊର୍ଦ୍ଧ୍ବ ଯୁବ ସାମ୍ବାଦିକ ତାଲିମ ନେଉଛନ୍ତି।
ଖୋର୍ଦ୍ଧାରୁ ଗୋବିନ୍ଦ ଚନ୍ଦ୍ର ପଣ୍ଡା, ଇଟିଭି ଭାରତ
