ଭୁବନେଶ୍ବର: ଚଳିତବର୍ଷ କୋଭିଡ କଟକଣାକୁ ଗୁରୁତ୍ବ ଦେଇ ପୂଜା ମଣ୍ଡପରେ ଭକ୍ତଙ୍କ ଗହଳି ଦେଖିବାକୁ ମିଳୁନଥିବା ଯୋଗୁ ଭୁବନେଶ୍ବରବାସୀଙ୍କୁ ଧନ୍ୟବାଦ ଦେଇଛି କମିଶନରେଟ ପୋଲିସ । ଏନେଇ ଭୁବନେଶ୍ବର ଡିସିପିଙ୍କ ଅଫିସିଆଲ ଟୁଇଟର ହ୍ୟାଣ୍ଡଲରେ ରାଜଧାନୀବାସୀଙ୍କୁ ଧନ୍ୟବାଦ ଜଣାଯାଇଛି ।
କେବଳ ଏତିକି ନୁହେଁ, ଆସନ୍ତାକାଲି ପାର୍ବଣର ଶେଷ ଦିନ ଅର୍ଥାତ ଦଶହରା ଥିବା ଯୋଗୁ ପ୍ରଶାସନକୁ ଏହିପରି ସହଯୋଗ ଜାରି ରଖିବାକୁ ରାଜଧାନୀବାସୀଙ୍କୁ କମିଶନରେଟ ପୋଲିସ ପକ୍ଷରୁ ଅନୁରୋଧ ମଧ୍ୟ କରାଯାଇଛି । ତେବେ ପର୍ବଣର 2 ଦିନ ସମାପ୍ତ ହୋଇଥିଲେ ମଧ୍ୟ ରାଜଧାନୀର କୌଣସି ପୂଜା ମଣ୍ଡପରେ ସାଧାରଣ ଦର୍ଶନକୁ ଅନୁମତି ମିଳିନି । କେବଳ ବିଧି ରକ୍ଷା ପାଇଁ ମା ଙ୍କର ନୀତିକାନ୍ତି ଚାଳିଛି । ସେପଟେ ସାଧାରଣ ଶ୍ରଦ୍ଧାଳୁ ମଧ୍ୟ କରୋନା କଟକଣାକୁ ମାନି ମଣ୍ଡପ ଗୁଡିକରେ ଭିଡ କରୁନଥିବା ଦେଖିବାକୁ ମିଳୁଛି ।
ବ୍ୟୁରୋ ରିପୋର୍ଟ, ଇଟିଭି ଭାରତ
