ଖୋର୍ଦ୍ଧା: ବର୍ତ୍ତମାନ ସମୟରେ ଚାଷୀଙ୍କୁ କିପରି ସହଜରେ ବ୍ୟାଙ୍କ ସେବା ମିଳିପାରିବ ସେନେଇ ମଙ୍ଗଳବାର ଖୋର୍ଦ୍ଧା ଜିଲ୍ଲାପାଳଙ୍କ ସମ୍ମିଳନୀ କକ୍ଷରେ ଅନୁଷ୍ଠିତ ହୋଇଯାଇଛି ଏକ ସମୀକ୍ଷା ବୈଠକ । ବୈଠକରେ ଯୋଗ ଦେଇ ରାଜ୍ୟ ଖାଦ୍ୟ ଯୋଗାଣ ଖାଉଟି କଲ୍ୟାଣ ଓ ସମବାୟ ମନ୍ତ୍ରୀ ରଣେନ୍ଦ୍ର ପ୍ରତାପ ସ୍ବାଇଁ ସମବାୟ ବିଭାଗର ସମୀକ୍ଷା କରିଥିଲେ ।
ଭିଡିଓ ସୌଜନ୍ୟ: ପ୍ରତିନିଧି, ଖୋର୍ଦ୍ଧା
କୃଷି କ୍ଷେତ୍ରରେ କିପରି ସରଳୀକରଣ କରାଯିବ ସେ ଦିଗରେ ମଧ୍ୟ ମନ୍ତ୍ରୀ ଆଲୋଚନା କରିଥିଲେ । ସେହିପରି ମୁଖ୍ୟମନ୍ତ୍ରୀଙ୍କ 5T ମନ୍ତ୍ର କିପରି ସମବାୟ ବିଭାଗରେ କାର୍ଯ୍ୟକାରୀ ହେବ ସେ ସମ୍ପର୍କରେ ଗୁରୁତ୍ବାରୋପ କରିଥିଲେ । ଏହି ବୈଠକରେ ମନ୍ତ୍ରୀଙ୍କ ସହ ଖୋର୍ଦ୍ଧା, ଚିଲିକା ଓ ଜଟଣୀ ବିଧାୟକ ଯୋଗ ଦେଇଥିବା ବେଳେ ସମବାୟ ବିଭାଗର ଖୋର୍ଦ୍ଧା, ନୟାଗଡ ଓ ପୁରୀ ଜିଲ୍ଲାର ବରିଷ୍ଠ ଅଧିକାରୀମାନେ ଉପସ୍ଥିତ ରହିଥିଲେ ।
ଖୋର୍ଦ୍ଧାରୁ ଗୋବିନ୍ଦଚନ୍ଦ୍ର ପଣ୍ଡା, ଇଟିଭି ଭାରତ
