ଖୋର୍ଦ୍ଧା: ଧାରା ଶ୍ରାବଣରେ ଆକାଶରୁ ଯେମିତି ଗାଏବ ହୋଇଯାଇଛି ମୌସୁମୀ ବର୍ଷା । ମୌସୁମୀର ଲୁଚକାଳୀ ଖେଳକୁ ନେଇ ଚିନ୍ତାରେ ପଡି ଯାଇଛନ୍ତି ଚାଷୀ । ସେଥିପାଇଁ ଆଜି ପବିତ୍ର ଚିତାଲାଗି ଅମାବାସ୍ୟାରେ ଭଲ ଫସଲ ଅମଳ ଆଶାରେ ଚାଷ ଜମିରେ ଚିତଉ ପିଠା ପୋତି ମା’ ଲକ୍ଷ୍ମୀଙ୍କୁ ଏବର୍ଷ ଭଲ ଫସଲ ଅମଳ ପାଇଁ ଗୁହାରି କରିଛନ୍ତି ।
ଶ୍ରାବଣରେ ବୈଶାଖ ତାତି: ଚିଉତ ପିଠା ଦେଇ ମା’ ଲକ୍ଷ୍ମୀଙ୍କ ପାଖରେ ଚଷା ପୁଅର ଗୁହାରୀ
କିନ୍ତୁ ଚଳିତ ବର୍ଷ ମୌସୁମୀର ଲୁଚକାଳି ଖେଳ ଚାଷୀର ନିଦ ହଜେଇ ଦେଇଛି । ବର୍ଷା ଅଭାବରୁ ଆରମ୍ଭ ହୋଇପାରିନି ଚାଷ କାମ । ଆଉ ଯେଉଁଠି ଧାନ ବୁଣା ହୋଇଛି ସେଠି ବିଲ ଶୁଖିଲା ପଡିଛି । ଏହାରି ଭିତରେ ପରମ୍ପରାକୁ ବଞ୍ଚେଇ ରଖି ଚାଷୀ ତା ବିଲରେ ପୂଜା କରି ଆଶା ରଖିଛି ଭଲ ଫସଲ ଅମଳ କରିବା ପାଇଁ । ବିଶ୍ବାସ ରହିଛି ଚିତାଲାଗି ଅମାବାସ୍ୟାରେ ଜମିରେ ଚିତଉ ପିଠା ପୋତିଲେ ମା ଲକ୍ଷ୍ମୀ ପ୍ରସନ୍ନ ହୁଅନ୍ତି, ଭଲ ବର୍ଷା ହୁଏ ।
ଖୋର୍ଦ୍ଧାରୁ ଗୋବିନ୍ଦ ଚନ୍ଦ୍ର ପଣ୍ଡା, ଇଟିଭି ଭାରତ
