ଖୋର୍ଦ୍ଧା: ଡଙ୍ଗାରେ ନିଆଁ ଲଗାଇ ପୋଡିଦେଲେ ଦୁର୍ବୃତ୍ତ । ତିନିଲକ୍ଷ ଟଙ୍କାର ସମ୍ପତ୍ତି ନଷ୍ଟ। ଘଟଣା ଘଟିଛି ଚିଲିକା ବ୍ଲକ ଜରିପଡ଼ା ଜଗନ୍ନାଥପୁରରେ।
ସୂଚନା ଅନୁଯାୟୀ ଜଗନ୍ନାଥପୁର ଗ୍ରାମର ପୂର୍ଣ୍ଣ ବେହେରାଙ୍କ ଡଙ୍ଗାରେ କୌଣସି ଦୁର୍ବୃତ୍ତ ନିଆଁ ଲଗାଇ ପୋଡି଼ ଦେଇଛି। ଡଙ୍ଗାରେ ଥିବା ସମସ୍ତ ମାଛଧରା ଉପକରଣ ପୋଡି ନଷ୍ଟ ହୋଇଯାଇଛି । ଏ ସମ୍ପର୍କରେ ପୂର୍ଣ୍ଣଚନ୍ଦ୍ର ଟାଙ୍ଗି ଥାନାରେ ଲିଖିତ ଅଭିଯୋଗ କରିଛନ୍ତି ।
ସେପଟେ ପୂର୍ବରୁ ପୂର୍ଣ୍ଣ ଚନ୍ଦ୍ରଙ୍କର ଆଲ୍ଲା ବେହେରା ନାମକ ଜଣେ ବ୍ୟକ୍ତିଙ୍କ ସହିତ ଝଗଡା ହୋଇଥିଲା ଓ ସେ ପୂର୍ଣ୍ଣଙ୍କୁ ମାଛଧରା ଜାଲ ପୋଡି ଛାରଖାର କରିଦେବାକୁ ଧମକ ଦେଇଥିବା ଏତଲାରେ ଦର୍ଶାଇଛନ୍ତି । ଅଭିଯୋଗ ପାଇ ଟାଙ୍ଗି ପୋଲିସ ଘଟଣାର ତଦନ୍ତ ଜାରି ରଖିଛି ।
ଖୋର୍ଦ୍ଧାରୁ ଗୋବିନ୍ଦ ଚନ୍ଦ୍ର ପଣ୍ଡା, ଇଟିଭି ଭାରତ