ଖୋର୍ଦ୍ଧା: ନୟାଗଡ଼ ଯଦୁପୁର ଗ୍ରାମର କୁନି ଝିଅ ପରୀ ହତ୍ୟା ମାମଲାରେ ଗତ 20 ତାରିଖରୁ ବିଜେପି କରୁଥିବା ପଦଯାତ୍ରା ମଙ୍ଗଳବାର ସାରୁଅ ଠାରୁ ବାହାରି ବୋଲଗଡ଼ ଅଭିମୁଖେ ଯାତ୍ରା ଆରମ୍ଭ କରିଛି । କୁନି ଝିଅ ପରୀ ମାମଲାର ତଦନ୍ତ ଭାର ଏସଆଇଟିକୁ ରାଜ୍ୟ ସରକାର ଦେଇଥିବା ବେଳେ ସେଥିରେ ବିଜେପି ସନ୍ତୁଷ୍ଟ ନହଇ ଏହାର ସିବିଆଇ ତଦନ୍ତ ଦାବି କରିଛି ଦଳ । ଏଥିସହ ପରୀ ହତ୍ୟା ମାମଲାରେ ମନ୍ତ୍ରୀ ଅରୁଣ ସାହୁଙ୍କ ଇସ୍ତଫା ଦାବି କରି ଏହି ପଦଯାତ୍ରା କରୁଥିବା କହିଛନ୍ତି ବିଜେପିର ବରିଷ୍ଠ ନେତା କନକ ବର୍ଦ୍ଧନ ସିଂହଦେଓ ।
ତୃତୀୟ ଦିନରେ ଜାରି ରହିଛି ବିଜେପିର ପଦଯାତ୍ରା
ସେହିପରି ଆଜିକୁ ତିନି ଦିନ ଧରି ଚାଲିଥିବା ଏହି ପଦଯାତ୍ରାରେ ମଙ୍ଗଳବାର ସାରୁଅ ଛକଠାରେ ଏକ ପଥପ୍ରାନ୍ତ ସଭା କରାଯାଇ ରାଜ୍ୟ ସରକାରଙ୍କ ଉପରେ ବର୍ଷିଛନ୍ତି ବିଜେପିର ବହୁ ନେତା । ଏହି ପଦଯାତ୍ରାରେ ବିଜେପିର ସାଂସଦ, ବିଧାୟକ, ରାଜ୍ୟ ନେତୃମଣ୍ଡଳୀ ଏବଂ ଶତାଧିକ କର୍ମୀ ଯୋଗଦେଇଛନ୍ତି ।
ଖୋର୍ଦ୍ଧାରୁ ଗୋବିନ୍ଦ ଚନ୍ଦ୍ର ପଣ୍ଡା, ଇଟିଭି ଭାରତ
