ଖୋର୍ଦ୍ଧା: ପ୍ରଥମଥର ଖୋର୍ଦ୍ଧା ନିର୍ବାଚନ ମଣ୍ଡଳୀରେ ଭୁବନେଶ୍ବର ସାଂସଦ ଅପରାଜିତା ଷଡଙ୍ଗୀ ଜିଲ୍ଲାବାସୀଙ୍କ ନିକଟକୁ ଆସି ସେମାନଙ୍କ ଅଭିଯୋଗ ଶୁଣିଛନ୍ତି।
ଲୋକଙ୍କ ନିକଟରେ ସାଂସଦ ଅପରାଜିତା, ଶୁଣିଲେ ଅଭିଯୋଗ
ଏହି ଅବସରରେ ସାଂସଦ କହିଛନ୍ତି ନିର୍ବାଚିତ ହେବା ପରେ ଦଳମତ ନିର୍ବିଶେଷରେ ଲୋକମାନଙ୍କର ଅଭିଯୋଗ ଶୁଣିବା ଓ ତାର ନିରକରଣ କରିବା ମୋର କର୍ତ୍ତବ୍ୟ । ମୋର ଅଭିଯୋଗ ପ୍ରକୋଷ୍ଠ ଭୁବନେଶ୍ବରରେ ରହିଛି କିନ୍ତୁ ସେଠାକୁ ସମସ୍ତେ ଯାଇପାରୁନଥିବାରୁ ମୁଁ ସେମାନଙ୍କ ପାଖକୁ ଆସି ସେମାନଙ୍କ ଅଭିଯୋଗ ଶୁଣୁଛି ଏବଂ ତାର ନିରାକରଣ କରିବାକୁ ଯଥା ସମ୍ଭବ ଚେଷ୍ଟା ମଧ୍ୟ କରୁଛି ।
ଶୁକ୍ରବାର ଖୋର୍ଦ୍ଧା ପୁର୍ତ୍ତ ବିଭାଗ ଡାକ ବଙ୍ଗଳାରେ ସାଂସଦଙ୍କ ଏହି ଜନଶୁଣାଣୀ କାର୍ଯ୍ୟକ୍ରମ ଆୟୋଜିତ ହୋଇଥିବା ବେଳେ ଏଥିରେ ବିଭିନ୍ନ ବ୍ଳକରୁ ସାଧାରଣ ଲୋକମାନେ ସେମାନଙ୍କର ଅଭିଯୋଗ ଆଣି ଆସିଥିବା ଜଣାପଡିଛି ।
ଖୋର୍ଦ୍ଧାରୁ ଗୋବିନ୍ଦ ଚନ୍ଦ୍ର ପଣ୍ଡା, ଇଟିଭି ଭାରତ
