ଭୁବନେଶ୍ବର: ଛୋଟ ପରଦାରେ ନିଜ କମେଡିର ଯାଦୁରେ ଲୋକଙ୍କୁ ଦିୱାନା କରିଥିବା କମେଡିଆନ ଅଭିନେତା ଅନୁଗୁଳିଆ ବଣ୍ଟି ବଡ଼ ପରଦାରେ ଧମାକା କରିବାକୁ ଯାଉଛନ୍ତି । ଓଡ଼ିଆ ଫିଲ୍ମ ‘ସଦର ଥାନାରୁ ଇନିସ୍ପେକ୍ଟର ସନା’ ସହ ପ୍ରଥମ ଥର ପାଇଁ ସେ ଲିଡ୍ ରୋଲରେ ନଜର ଆସିବେ । ଫିଲ୍ମର ଟିଜର ଓ ପୋଷ୍ଟର ରିଲିଜ୍ ହୋଇଛି । ଫିଲ୍ମରେ ଭରପୁର ଏଣ୍ଟରଟେନମେଣ୍ଟ ରହିଥିବା ବେଳେ ଫିଲ୍ମ ଦେଖିବାକୁ ଉତ୍ସାହର ସହ ଅପେକ୍ଷା କରିଛନ୍ତି ଦର୍ଶକ ।
ଏସ୍ ଏସ୍ କ୍ରିଏଟିଭ୍ ଫିଲ୍ମସ୍ ବ୍ୟାନରର ଏହା ହେଉଛି ପ୍ରଥମ ଚଳଚ୍ଚିତ୍ର । ଏହି ଚଳଚ୍ଚିତ୍ରରେ ଅଭିନେତା ଅନୁଗୁଳିଆ ବଣ୍ଟି ନାୟକ ସାଜିଥିବା ବେଳେ ତାଙ୍କ ବିପକ୍ଷର ନାୟିକା ସାଜିଛନ୍ତି ଅଭିନେତ୍ରୀ ଅର୍ଚ୍ଚିତା ମହାନ୍ତିି । ସୁଶୀଲ କୁମାର ବାରିକ, ସୁଦୀପ୍ତ ଷ୍ଟାଲିନ୍ ମହାପାତ୍ର ଏବଂ ଦୀପକ ଜେନା ପ୍ରଯୋଜିତ ଏହି ଚଳଚ୍ଚତ୍ରଟିର କାହାଣୀ ଓ ସଂଳାପ ଲେଖିଛନ୍ତି ବାବୁ ଡି ଓ ରାଜା ଡି' । ଏହି ଚଳଚ୍ଚିତ୍ରଟି ସମ୍ପୂର୍ଣ୍ଣ ଭାବରେ କମେଡି ଅନ୍ଦାଜକୁ ନେଇ ହୋଇଥିବା ବେଳେ ଦର୍ଶକଙ୍କୁ ହସାଇବା ପାଇଁ ପୁରା ପ୍ୟାକେଜ ଏଥିରେ ଭରି ରହିଛି ।
ଏହା ମଧ୍ୟ ପଢନ୍ତୁ: ପରୀକ୍ଷାରେ ଆସିଲା ଫିଲ୍ମ ଦମନକୁ ନେଇ ପ୍ରଶ୍ନ
ଫିଲ୍ମର କାଷ୍ଟ କହିବାକୁ ଗଲେ, ଅନୁଗୁଳିଆ ବଣ୍ଟି ଫିଲ୍ମରେ ପ୍ରଥମ ଥର ପାଇଁ ଲିଡ୍ ରୋଲରେ ନଜର ଆସିଥିବା ବେଳେ ତାଙ୍କ ସମେତ ଜଣାଶୁଣା ହାସ୍ୟ ଅଭିନେତା ହରିହର ମହାପାତ୍ର, ଅଶୋକ ଦାସ, ସୁଶୀଲ କୁମାର ବାରିକ, ଶୈଳେନ୍ଦ୍ର ସାମନ୍ତରାୟ, ବାପି, ରାଜୁ ସନ୍ତୁ, ଶାନ୍ତନୁ ପ୍ରିୟା ଐଶ୍ୱରୀୟ ଏଭଳି ଅନେକ ହାସ୍ୟ ଅଭିନେତା ମଧ୍ୟ ନଜର ଆସିବେ । ସମସ୍ତ ଅଭିନେତା ନିଜ କମେଡି ଯାଦୁରେ ଦର୍ଶକଙ୍କୁ ମତୁଆଲା କରିବାକୁ ପ୍ରସ୍ତୁତ ହୋଇଛନ୍ତି ।
ଏହା ମଧ୍ୟ ପଢନ୍ତୁ: ଫିଲ୍ମ ଫ୍ରାଇଡେରେ ରିଲିଜ ହେଲା ଓଡ଼ିଆ ସିନେମା ଅଧୁରା ପ୍ରେମ କାହାଣୀ
ଫିଲ୍ମରେ କମେଡି ଅନ୍ଦାଜରେ କିଭଳି ନାୟକ ବଣ୍ଟି ସଦର ଥାନାର ମାମଲାକୁ ସମାଧାନ କରିଛନ୍ତି ତାହା ଏହି ସିନେମାରେ ଦର୍ଶାଯାଇଛି । ଦର୍ଶକ ସିନେମା ଦେଖି ହସିହସି ମନୋରଞ୍ଜନ ହୋଇ ଫେରିବେ ବୋଲି କହିଛନ୍ତି ପ୍ରଯୋଜନା ସଂସ୍ଥା । ସେପଟେ ଅଭିନେତା ଅନୁଗୁଳିଆ ବଣ୍ଟି ଏବଂ ଅଭିନେତ୍ରୀ ଅର୍ଚ୍ଚିତା ମହାନ୍ତିି ପ୍ରଥମ ଥର ବଡ ପରଦାରେ ଲିଡ୍ ରୋଲରେ ନଜର ଆସିବା ନେଇ ବେଶ ଉତ୍ସାହିତ ଅଛନ୍ତି । ଫିଲ୍ମରେ ଭରପୁର କମେଡି ରହିଥିବା ବେଳେ ଲୋକ ଏହାକୁ ବେଶ ପସନ୍ଦ କରିବେ ବୋଲି ଆଶାବାଦୀ ଅଛନ୍ତି ଅଭିନେତା । ଏଥିସହ ଫିଲ୍ମଟି ରାକ୍ଷୀ ପୂର୍ଣ୍ଣିମାରେ ରିଲିଜ କରାଯିବ ବୋଲି କହିଛନ୍ତି ପ୍ରଯୋଜକ ।
ଇଟିଭି ଭାରତ, ଭୁବନେଶ୍ବର
