ହାଇଦ୍ରାବାଦ: ତେଲୁଗୁ ସୁପରଷ୍ଟାର ରାମ ଚରଣ ବହୁ ପ୍ରତୀକ୍ଷିତ ଚଳଚ୍ଚିତ୍ର 'ଗେମ ଚେଞ୍ଜର' ସହ ପରଦାରେ ଧମାକା କରିବାକୁ ପ୍ରସ୍ତୁତ । 'ଗେମ ଚେଞ୍ଜର' ଫିଲ୍ମ 2025 ମକର ସଂକ୍ରାନ୍ତି ଅବସରରେ ଜାନୁଆରୀ 10ରେ ରିଲିଜ ହେବ । ତେବେ ଫିଲ୍ମକୁ ନେଇ ଫ୍ୟାନ୍ସ ଉତ୍ସାହର ସହ ଅପେକ୍ଷା କରିଥିବା ବେଳେ ବର୍ତ୍ତମାନ ଫିଲ୍ମର ଟିଜର ରିଲିଜ ହୋଇଛି । ଫିଲ୍ମର ଟିଜରରେ ରାମ ଚରଣଙ୍କ ଦମଦାର ଝଲକ ଦେଖିବାକୁ ମିଳିଛି । ଯାହା ପରେ ଫିଲ୍ମ ଦେଖିବାକୁ ଦର୍ଶକଙ୍କ ଉତ୍ସାହ ଦ୍ୱିଗୁଣିତ ହୋଇଛି । ଏହି ଫିଲ୍ମର ନିର୍ଦ୍ଦେଶନା ଦେଇଛନ୍ତି ଏସ. ଶଙ୍କର । ଏହି ଫିଲ୍ମରେ ବଲିଉଡ ଅଭିନେତ୍ରୀ କିଆରା ଆଡଭାନୀ ରାମ ଚରଣଙ୍କ ବିପକ୍ଷରେ ନଜର ଆସିବେ ।
ପୂର୍ବରୁ ଏହି ଫିଲ୍ମରେ ସ୍କ୍ରିନ ସେୟାର କରିଥିଲେ କିଆରା-ରାମ ଚରଣ
କହିରଖୁଛୁ କି, ଏହି ଫିଲ୍ମରେ ରାମ ଚରଣ ଏବଂ କିଆରା ଆଡଭାନୀ ଦ୍ୱିତୀୟ ଥର ପାଇଁ ଏକାଠି ନଜର ଆସିବାକୁ ଯାଉଛନ୍ତି । ପୂର୍ବରୁ ଏହି ଯୋଡି 'ବିନୟ ବିଦେୟା ରାମା' ଫିଲ୍ମରେ ନଜର ଆସିଥିଲେ । ଯେଉଁଥିରେ ବଲିଉଡ ଅଭିନେତା ବିବେକ ଓବରଏଙ୍କୁ ଖଳନାୟକ ଭୂମିକାରେ ଦେଖିବାକୁ ମିଳିଥିଲା । ତେବେ ଏହି ଯୋଡ଼ି ଏହି ଫିଲ୍ମରେ ବେଶ ଲୋକପ୍ରିୟତା ସାଉଁଟିଥିବା ଥିବା ବେଳେ ପୁଣି ଥରେ ପରଦାରେ ଧମାକା କରିବାକୁ ପ୍ରସ୍ତୁତ ।
ଏହା ମଧ୍ୟ ପଢନ୍ତୁ: ତେଲୁଗୁ ସିନେମା 'ଗେମ୍ ଚେଞ୍ଜର'ରେ ଓଡ଼ିଆଙ୍କ ଯାଦୁ, ରଣପା ନାଚିଲେ ରାମଚରଣ
ଏହି ତାରକା ବି ଆସିବେ ନଜର
ଶ୍ରୀ ଭେଙ୍କଟେଶ୍ୱର କ୍ରିଏସନ୍ ଦ୍ୱାରା ନିର୍ମିତ କରିଥିବା ବେଳେ ଏଥିରେ କିଆରା ଏବଂ ରାମ ଚରଣ ବ୍ୟତୀତ ଅଞ୍ଜଲି, ଏସ.ଜେ ସୂର୍ଯ୍ୟ, ଶ୍ରୀକାନ୍ତ, ଜୟରାମ, ସୁନୀଲ, ସାମୁଥିରକାନି ଏବଂ ନାସରଙ୍କୁ ପ୍ରମୁଖ କଳାକାର ପ୍ରମୁଖ ଭୂମିକାରେ ଦେଖିବାକୁ ମିଳିବ । ଏହି ଚଳଚ୍ଚିତ୍ରରେ ରାମ ଚରଣ ୩ଟି ଭୂମିକାରେ ନଜର ଆସିବେ ବୋଲି କୁହାଯାଉଛି । ନିକଟରେ ଫିଲ୍ମରୁ ଉଭୟ ତାରକାଙ୍କ ପ୍ରଥମ ଲୁକ ଏବଂ ଗୀତ ରିଲିଜ ହୋଇଥିବା ବେଳେ ଲୋକେ ଏହାକୁ ବେଶ ପସନ୍ଦ କରିଛନ୍ତି । ଏହି ଫିଲ୍ମ ମଧ୍ୟ ଆରଆରଆର ଭଳି ସଫଳତା ହାସଲ କରିବ ବୋଲି ଆଶା କରାଯାଉଛି ।
ଏହା ମଧ୍ୟ ପଢନ୍ତୁ: ସରିଲା 'ଗେମ ଚେଞ୍ଜର'ର ସୁଟିଂ, ଲାଷ୍ଟ ଫଟୋ ସେୟାର କଲେ ରାମ ଚରଣ
ବ୍ୟୁରୋ ରିପୋର୍ଟ, ଇଟିଭି ଭାରତ
