ଖୋର୍ଦ୍ଧା: ରବିବାର ସାରା ଦେଶ ପାଳିବ ବିଶ୍ବ ଏଡସ ଦିବସ । ଏହାର ଭୟାବହତା ସମ୍ପର୍କରେ ଲୋକଙ୍କୁ ସଚେତନ କରିବା ଉଦ୍ଦେଶ୍ୟରେ 1988 ମସିହାରୁ ପ୍ରତିବର୍ଷ ଡିସେମ୍ବର 1 ତାରିଖରେ ବିଶ୍ୱ ଏଡସ ଦିବସ ପାଳିତ ହୋଇଆସୁଛି। ଏହି କ୍ରମରେ ଏଚଆଇଭି ବିରୁଦ୍ଧରେ ଲୋକଙ୍କୁ ସଚେତନ କରିବା ଉଦ୍ଦେଶ୍ୟରେ କାଚ ବୋତଲରେ ଏଡସର ଲୋଗୋ ପ୍ରସ୍ତୁତ କରିଛନ୍ତି । ଆଉ ଏହି ଲୋଗୋ ପ୍ରସ୍ତୁତ କରିଛନ୍ତି ଖୋର୍ଦ୍ଧା ଜଟଣୀ ଅଞ୍ଚଳର ସୂକ୍ଷ୍ମକଳା କଳାକାର ଏଲ ଈଶ୍ବର ରାଓ ।
ନିଜ ନିପୂଣ କାରୁକାର୍ଯ୍ୟ ପାଇଁ ସର୍ବଦା ଚର୍ଚ୍ଚାରେ ଈଶ୍ବର ରାଓ। ଏପରିକି ଲିମକା ବୁକ ଅଫ୍ ରେକର୍ଡରେ ମଧ୍ୟ ତାଙ୍କ ନାମ ସ୍ଥାନିତ ହୋଇଛି । ବିଶ୍ବ ଏଡସ ଦିବସ ଉପଲକ୍ଷେ ସେ ଏକ କାଚ ବୋତଲ ଭିତରେ 6 ଇଞ୍ଚ ଉଚ୍ଚତାରେ ଏକ ଏଡସ ଲୋଗୋ ପ୍ରସ୍ତୁତ କରିଛନ୍ତି। ଏହି କଳାକୃତି ନିର୍ମାଣ କରିବାକୁ ତାଙ୍କୁ 2 ଦିନ ସମୟ ଲାଗିଥିବା ବେଳେ ତାଙ୍କର ଏହି କଳା ମାଧ୍ୟମରେ ଏଡସକୁ ଜାଣନ୍ତୁ ଏବଂ ଜିଣନ୍ତୁର ବାର୍ତ୍ତା ଦେଇଛନ୍ତି ସେ।
ଖୋର୍ଦ୍ଧାରୁ ଗୋବିନ୍ଦ ଚନ୍ଦ୍ର ପଣ୍ଡା, ଇଟିଭି ଭାରତ
