ଭୁବନେଶ୍ବର: ସମ୍ମାନଜନକ ଇଣ୍ଟର ପାର୍ଲାମେଣ୍ଟ୍ରୀ ୟୁନିଅନ (Inter-Parliamentary Union) କାର୍ଯ୍ୟନିର୍ବାହୀ କମିଟିକୁ ନିର୍ବାଚିତ ହେବା ପରେ ଭୁବନେଶ୍ବର ଫେରିଛନ୍ତି ସାଂସଦ ଅପରାଜିତା ଷଡଙ୍ଗୀ (Bhubaneswar MP Aparajita Sarangi ) । ଆଜି ଭୁବନେଶ୍ବର ଫେରିବା ପରେ ଅପରାଜିତାଙ୍କୁ ଭୁବନେଶ୍ବରର ବିମାନ ବନ୍ଦରରେ ଦଳୀୟ ନେତା କର୍ମୀ ସମର୍ଥକ ଜୋରଦାର ସ୍ବାଗତ କରିଥିଲେ ।
ଏହାବି ପଢନ୍ତୁ-IPUକୁ ନିର୍ବାଚିତ ହେଲେ ଭୁବନେଶ୍ୱର ସାଂସଦ ଅପରାଜିତା ଷଡଙ୍ଗୀ
ଏଥିପାଇଁ ଗତ 9 ତାରିଖରେ ରାଜ୍ୟସଭା ଉପାଧ୍ୟକ୍ଷ ନାରାୟଣ ହରିବଂଶଙ୍କ ନେତୃତ୍ବରେ ଏକ 12 ଜଣିଆ ସଂସଦୀୟ ଦଳ ରାୱାଣ୍ଡାର କିଗାଲି (Kigali Capital of Rwanda) ଗସ୍ତରେ ଯାଇଥିଲେ ।
ସମ୍ମାନ ଜନକ ଇଣ୍ଟର ପାର୍ଲାମେଣ୍ଟ୍ରୀ ୟୁନିଅନକୁ ଦୀର୍ଘ 20 ବର୍ଷ ପରେ ଭାରତ ଫେରିଛି । ଶେଷ ଥର ପାଇଁ ଆଇପିୟୁରେ ଭାରତ ପକ୍ଷରୁ ନଜମା ହେପତୁଲ୍ଲା ପ୍ରତିନିଧିତ୍ବ କରିଥିଲେ । ଏହି ନିର୍ବାଚିତ ଫଳରେ ଏଣିକି ଆଇପିୟୁର ୧୫ଜଣିଆ କାର୍ଯ୍ୟନିର୍ବାହୀ କମିଟିକୁ ଅପରାଜିତା ଷଡଙ୍ଗୀ ଭାରତର ପ୍ରତିନିଧିତ୍ୱ କରିବେ । ରାୱାଣ୍ଡାର ରାଜଧାନୀ କିଗାଲିଠାରେ ହୋଇଥିବା ଏହି ନିର୍ବାଚନରେ ସାଂସଦ ଅପରାଜିତାଙ୍କ ସପକ୍ଷରେ ୧୮ ରୁ ୧୨ ଟି ଭୋଟ ଯାଇଥିଲା । ଯାହା ଭାରତର ବଳିଷ୍ଠ କୁଟନୀତିକୁ ବିଶ୍ବଦରବାରରେ ପୁଣି ଥରେ ଦର୍ଶାଇଥିଲା ।
ଇଣ୍ଟର ପାର୍ଲାମେଣ୍ଟ୍ରୀ ୟୁନିଅନକୁ ଅପରାଜିତ ନିର୍ବାଚିତ ହେବା ପରେ ପ୍ରଧାନମନ୍ତ୍ରୀ, ଉପରାଷ୍ଟ୍ରପତି, ଲୋକସଭା ବାଚସ୍ପତିଙ୍କ ସମେତ ଅନେକ ବିଶିଷ୍ଟ ବ୍ୟକ୍ତି ଅପରାଜିତା ଷଡଙ୍ଗୀଙ୍କୁ ଶୁଭେଛା ଜଣାଇଥିଲେ । ରାୱାଣ୍ଡାରୁ ଫେରିବା ପରେ ଗତକାଲି ଅପରାଜିତ ଲୋକସବା ବାଚସ୍ପତି ଓମ ବିର୍ଲାଙ୍କୁ ସାକ୍ଷାତ କରିଥିଲେ । ଆଜି ଅପରାଜିତା ଭୁବନେଶ୍ବର ଫେରିବା ପରେ ତାଙ୍କୁ ଜୋରଦାର ସ୍ବାଗତ କରିଥିଲେ ।
ଇଟିଭି ଭାରତ, ଭୁବନେଶ୍ବର
