ଖୋର୍ଦ୍ଧା: ଜିଲ୍ଲାର ଜଙ୍କିଆ ଥାନା ଅନ୍ତର୍ଗତ 16ନଂର ଜାତୀୟ ରାଜପଥ ନିକଟରୁ 70 କେଜି ଓଜନର ଗଞ୍ଜେଇ ଜବତ କରାଯାଇଛି । ଜବତ ହୋଇଥିବା ଗଞ୍ଜେଇର ଆନୁମାନିକ ମୂଲ୍ୟ 5 ଲକ୍ଷ ଟଙ୍କାରୁ ଊର୍ଦ୍ଧ୍ବ ହେବ ବୋଲି ପୋଲିସ ପକ୍ଷରୁ ସୂଚନା ମିଳିଛି ।
16ନଂ ଜାତୀୟ ରାଜପଥରୁ 70କେଜି ଗଞ୍ଜେଇ ଜବତ
ମିଳିଥିବା ସୂଚନା ଅନୁସାରେ ପିକ୍-ଅପ ଭ୍ୟାନରେ ଚାଲାଣ କରାଯାଉଥିଲା । ପୋଲିସ ଏହି ସମ୍ପର୍କରେ ଖବର ପାଇ ଜଙ୍କିଆ ଥାନା ଅନ୍ତର୍ଗତ 16ନଂର ଜାତୀୟ ରାଜପଥ ଗୋଡିପଡା ଟୋଲ୍ ଗେଟ୍ ନିକଟରେ ଏହି ଭ୍ୟାନକୁ ଅଟକ ରଖି ଗଞ୍ଜେଇ ଜବତ କରିଥିଲା । ଜବତ ହୋଇଥିବା ଗଞ୍ଜେଇର ଓଜନ 70 କେଜି ବୋଲି ଜଣାପଡିଛି ।
ଜବତ ଗଞ୍ଜେଇର ଆନୁମାନିକ ମୂଲ୍ୟ 5 ଲକ୍ଷ ଟଙ୍କାରୁ ଊର୍ଦ୍ଧ୍ବ ବୋଲି ପୋଲିସ ପକ୍ଷରୁ ସୂଚନା ମିଳିଛି । ସେପଟେ ଗଞ୍ଜେଇ ଚାଲାଣ ହେଉଥିବା ପିକ୍-ଅପ ଭ୍ୟାନର ଡ୍ରାଇଭର ଗାଡି ଛାଡି ଫେରାର ହୋଇଥିବା ଜଣାପଡିଛି । ପୋଲିସ ପିକ୍-ଅପ ଭ୍ୟାନକୁ ଅଟକ ରଖି ଅଧିକ ତଦନ୍ତ ଜାରି ରଖିଛି ।
ଖୋର୍ଦ୍ଧାରୁ ଗୋବିନ୍ଦ ଚନ୍ଦ୍ର ପଣ୍ଡା, ଇଟିଭି ଭାରତ
