ଖୋର୍ଦ୍ଧା: ଜିଲ୍ଲାରେ ଦିନକୁ ଦିନ ନିଶା କାରବାର ବୃଦ୍ଧି ପାଇବାରେ ଲାଗିଛି । ଏହାକୁ ରୋକ୍ ଲଗାଇବା ପାଇଁ ଖୋର୍ଦ୍ଧା ପୋଲିସ ପ୍ରୟାସ ଜାରି ରଖିଛି । ତେବେ 31 କେଜି ଗଞ୍ଜେଇ ଜବତ ସହ ଜଣଙ୍କୁ ଗିରଫ କରିବାରେ ସଫଳ ହୋଇଛି ଜଟଣୀ ପୋଲିସ ।
ସୂଚନା ଅନୁସାରେ, ବୁଧବାର ବିଳମ୍ବିତ ରାତିରେ 16 ନମ୍ବର ଜାତୀୟ ରାଜପଥ ଗଙ୍ଗପଡା ପୁରୁଣା ଟୋଲ ଗେଟ ନିକଟରୁ ଗଞ୍ଜେଇ ଜବତ ସହ ଗଞ୍ଜେଇ ଚାଲାଣରେ ବ୍ୟବହୃତ ହେଉଥିବା ୱାଗନର କାରକୁ ମଧ୍ୟ ଜବତ କରିଛି ଜଟଣୀ ପୋଲିସ । ଏହି ଘଟଣାରେ ଜଣଙ୍କୁ ମଧ୍ୟ ଗିରଫ କରାଯାଇଛି । ଅଭିଯୁକ୍ତ ଜଣକ ହେଉଛି ବିଭୂତି ଦାସ । ସେ ଜଟଣୀ ଥାନା ଅନ୍ତର୍ଗତ ବାଛେରାପାଟଣା ଅଞ୍ଚଳର ବୋଲି ଜଣାପଡିଛି ।
ଭିଡିଓ ସୌଜନ୍ୟ: ପ୍ରତିନିଧି, ଖୋର୍ଦ୍ଧା
ତେବେ ବିଭୂତି କୋରାପୁଟରୁ କାର ଯୋଗେ 31କେଜି ଗଞ୍ଜେଇ ଆଣୁଥିଲା । ବିଶ୍ବସ୍ଥ ସୁତ୍ରରୁ ଖବର ପାଇବା ପରେ ଜଟଣୀ ପୋଲିସ ଚଢାଉ କରି ଅଭିଯୁକ୍ତକୁ ଗିରଫ କରିବାରେ ସଫଳ ହୋଇଛି ।
ଖୋର୍ଦ୍ଧାରୁ ଗୋବିନ୍ଦ ଚନ୍ଦ୍ର ପଣ୍ଡା, ଇଟିଭି ଭାରତ
