20 ମୋଟର ସାଇକେଲ ଜବତ: ଦୁଇ ଲୁଟେରା ଗିରଫ

ଖୋର୍ଦ୍ଧା ଜିଲ୍ଲାରେ ଚାଲିଛି ଲୁଟେରାଙ୍କ ରାଜ୍ । ଇତିମଧ୍ୟରେ ନାଚୁଣି ଫାଣ୍ଡି ପୋଲିସକୁ ମିଳିଛି ବଡ଼ ସଫଳତା । 20ଟି ବାଇକକୁ ଜବତ କରି ଦୁଇ ଲୁଟେରାଙ୍କୁ ଗିରଫ କରାଯାଇଛି । ଅଧିକ ପଢନ୍ତୁ...

ଖୋର୍ଦ୍ଧା: ବାଣପୁର ଥାନା ନାଚୁଣି ଫାଣ୍ଡି ପୋଲିସକୁ ପ୍ରଥମ ଥର ବଡ଼ ସଫଳତା ମିଳିଛି । ବିଭିନ୍ନ ସ୍ଥାନରୁ ଚୋରି ହୋଇଥିବା 20ଟି ବାଇକକୁ ଜବତ କରି ଦୁଇ ଲୁଟେରାଙ୍କୁ ଗିରଫ କରିଛି ନାଚୁଣି ଫାଣ୍ଡି । ଗିରଫ ଦୁଇ ଅଭିଯୁକ୍ତ ହେଲେ ବାଣପୁର କୁଲେଇ ଗ୍ରାମର ସନ୍ତୋଷ ଜଗଦେବ ଏବଂ ଟାଙ୍ଗି ଦୀକ୍ଷିତପଡାର ମୁବାରକ ଖାନ ।

ଗତକାଲି (ରବିବାର) ପାଟ୍ରୋଲିଂ ସମୟରେ ସୁନାଖଳା ଛକରୁ ନାଚୁଣି ପୋଲିସ ଗିରଫ କରିଥିବା ଆଜି (ସୋମବାର) ଏକ ସାମ୍ବାଦିକ ସମ୍ମିଳନୀରେ ସୂଚନା ଦେଇଛନ୍ତି ଖୋର୍ଦ୍ଧା ଏସପି ଅଜେୟ ପ୍ରତାପ ସ୍ୱାଇଁ ।

ଖୋର୍ଦ୍ଧାରୁ ଗୋବିନ୍ଦ ଚନ୍ଦ୍ର ପଣ୍ଡା, ଇଟିଭି ଭାରତ