ଖୋର୍ଦ୍ଧା : ଦୁଇ ମୋବାଇଲ ଲୁଟେରା ଗିରଫ । ଉକ୍ତ ଲୁଟେରାଙ୍କୁ ଗିରଫ କରିଛି ଖୋର୍ଦ୍ଧା ଶିଳ୍ପାଞ୍ଚଳ ଫାଣ୍ଡି ପୋଲିସ । ସୁଚନା ଅନୁଯାୟୀ ଦୀର୍ଘଦିନ ଧରି ଖୋର୍ଦ୍ଧା ଏବଂ ଏହାର ଆଖପାଖ ଅଞ୍ଚଳରେ ମୋବାଇଲ ଲୁଟ ହେଉଥିଲା । ଆଜି ଏହାର ପର୍ଦ୍ଦାଫାସ କରି ଦୁଇଜଣ ଲୁଟେରାଙ୍କୁ ଗିରଫ କରିବାରେ ସକ୍ଷମ ହୋଇଛି ଶିଳ୍ପାଞ୍ଚଳ ପୋଲିସ ।
ଅଭିଯୁକ୍ତମାନେ ହେଲେ ଖୋର୍ଦ୍ଧା ମୁକୁନ୍ଦ ପ୍ରସାଦ ଅଞ୍ଚଳର ଅବଦୁଲ ମୁବାରଖ ଓ ଫାରୁକ ଖାନ । ଏମାନଙ୍କ ଠାରୁ 19ଟି ମୋବାଇଲ ଫୋନ ଏବଂ ଏକ ପଲସର ମଟର ସାଇକେଲ ଜବତକରି କୋର୍ଟ ଚାଲାଣ କରିଥିବା ଜଣାପଡିଛି । ବିଶେଷକରି ଏହି ଲୁଟେରା ମାନେ ଖୋର୍ଦ୍ଧା, ଜଙ୍କିଆ, ଶିଳ୍ପାଞ୍ଚଳ ଏରିଆ ଏବଂ 16ନଂ ଜାତୀୟ ରାଜପଥ ଉପରୁ ମୋବାଇଲ ଓ ଚେନ ଲୁଟୁଥିବା ଜଣାଇଛନ୍ତି ଶିଳ୍ପାଞ୍ଚଳ ଫାଣ୍ଡି ଅଧିକାରୀ। ଏଥିସହ ଏମାନଙ୍କ ନାମରେ ବିଭିନ୍ନ ଥାନାରେ ପୂର୍ବରୁ ବହୁ ମାମଲା ଥିବା ଜଣାପଡିଛି ।
ଖୋର୍ଦ୍ଧାରୁ ଗୋବିନ୍ଦ ଚନ୍ଦ୍ର ପଣ୍ଡା, ଇଟିଭି ଭାରତ
