କେନ୍ଦୁଝର: ପାଟଣାଥାନା ନୂଆବନ୍ଧ ଗ୍ରାମରେ ଅଭାବନୀୟ ଘଟଣା । ଗୋଟିଏ ଘର ଭିତରୁ ଦୁଇଟି ମୃତଦେହ ଉଦ୍ଧାର । ମୃତକ ଦୁଇଜଣ ସମ୍ପର୍କରେ ଦିଅର ଭାଉଜ ହୋଇଥିବା ସୂଚନା ।
ଏକାଠି ଜୀବନ ହାରିଲେ ଦିଅର ଭାଉଜ !
ମୃତକ ଦ୍ବୟ ହେଉଛନ୍ତି ଗ୍ରାମର ଚନ୍ଦ୍ରଶେଖର ନାଏକଙ୍କ ସ୍ତ୍ରୀ ପୁଷ୍ପଲତା ନାଏକ ଓ ସମ୍ପର୍କୀୟ ଦିଅର ତଥା ଗ୍ରାମର ରାବଣ ନାଏକଙ୍କ ପୁଅ ସଞ୍ଜୟ ନାଏକ । ସେପଟେ ମୃତ୍ୟୁର କାରଣ ଜଣାପଡିନଥିବାବେଳେ ମୃତଦେହ ନିକଟରେ କୀଟନାଶକ ଔଷଧ ପଡିଥିବାରୁ ଏହା ଆତ୍ମହତ୍ୟା ବୋଲି ସନ୍ଦେହ କରାଯାଉଛି ।
ଅନ୍ୟପଟେ ଘଟଣାସ୍ଥଳରେ ପାଟଣା ପୋଲିସ ପହଞ୍ଚିବା ସହ ମୃତଦେହ ଦୁଇଟିକୁ ଜବତ କରିଛି । ଏହାସହ କୀଟନାଶକ ବୋତଲ ମଧ୍ୟ ଜବତ କରିଛି । ତେବେ ଏହି ଆତ୍ମହତ୍ୟା ପ୍ରେମଜନିତ ବୋଲି ପୋଲିସର ପ୍ରାଥମିକ ତଦନ୍ତରୁ ଜଣାପଡିଛି ।
କେନ୍ଦୁଝରରୁ ସନ୍ତୋଷ ମହାପାତ୍ର, ଇଟିଭି ଭାରତ
